Jueces 8:26 - Q'eqchi Bible

²⁶ Li raalaleb' li matq'ab' oor ke'patz'mank, a'an numenaq ka'k'aal liib'r chi oor, chi ink'a' k'eeb'il sa' ajl li xsahob'eb' ru, eb' li ka'xik ut eb' li kaqi aq'eb' li neke'roksi li awab'ej re Madián, chi moko eb' li q'ol li wankeb' chi xkuxeb' li kameey.

Li Santil hu

²⁶ Aꞌan aꞌin xqꞌuial li ra̱lal li caꞌxic oro: Numenak caꞌcꞌa̱l libra xbisbal li caꞌxic aꞌan. Incꞌaꞌ queꞌxqꞌue li jun chꞌol chic joꞌ li kꞌol ut li terto̱quil pec, chi moco li cha̱bil akꞌej yi̱banbil riqꞌuin li tꞌicr púrpura li nequeꞌrocsi lix reyeb laj Madián. Chi moco queꞌxqꞌue li kꞌol li nequeꞌrocsi saꞌ xcuxeb li camello.

Jueces 8:26 ပူးပေါင်းရင်းမြစ်များ

Apocalipsis 18:16

“Toq'ob' ru, toq'ob' ru li Nimla Tenamit, tiqto rik'in liino, kaqjorinkil ut kaqmoqinkil t'ikr! Toq'ob' ru li nalemtz'unk rik'in oor, tertookil pek ut lemtz'il q'ol!

Apocalipsis 18:12

a' li oor, plaat, tertookil pek ut lemtz'il q'ol, liino ut púrpura, seda ut kaqjorinkil t'ikr, jo'wi' chixjunil chik li k'iila paay chi sununkil che', chixjunil li k'a'aq re ru yiib'anb'il rik'in marfil, chixjunil li k'a'aq re ru yiib'anb'il rik'in chaab'il che', q'anch'iich', ch'iich' ut mármol;

San Juan 19:5

Toja' naq ki'elk li Jesus chirix kab'l, wank li xkoroon k'ix ut li xkaqi aq'. —Waye' li winq! chan laj Pilaat reheb'.

San Juan 19:2

Eb' laj puub' ke'xtz'ul jun li koroon k'ix ut ke'xk'e sa' xjolom. Ke'xtiqib' li Jesus rik'in jun kaqi aq',

Jeremías 10:9

Neke'xk'am chaq li tenb'il plaat aran Tarsis ut li oor re Ofir; laj tenol plaat ut laj pak'onel neke'yiib'ank re ut neke'xtiqib' rik'in kaq ut kaqmoqinkil t'ikr: chixjunil a'an yal xk'uub'ahom li xseeb'al li winq.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

Apocalipsis 17:4

Li ixq a'an tiqto rik'in t'ikr kaqmoqin ut kaqjorin xb'onol, nalemtz'unk ru rik'in oor, rik'in tertookil pek ut lemtz'il q'ol. Wank sa' ruq' jun li sek' oor nujenaq rik'in li xyiib'etalil ut xtz'ajnil li xmuxb'al rib';

Ezequiel 27:7

Uutz'u'ujinb'il t'ikr liino yiib'anb'il chaq Ejiipt, a'an li nab'eresink aawe chiru ha' ut nak'anjelak ajwi' cho'q aaweetalil; li t'ikr namuheelank aawe a'an raxchoxa ut kaqmoyink rilb'al, sa' li tenamit Elisá kik'ame'k chaq.

San Lucas 16:19

“Kiwank jun li winq b'ihom, naxtiqib' rib' rik'in chaab'il kaqi t'ikr ut liino, ut rajlal kutan naninq'ehik chi chaab'il.

Jueces 8:21

Toja' naq laj Sébaj ut laj Salmuná ke'xye re laj Jedehón: “Waklin laa'at ut kamsiho, xb'aan naq laa'at jun li winq q'axal kaw aawib'”, chankeb'. Kiwakliik laj Jedehón ut kixkamsiheb' laj Sébaj ut laj Salmuná, ut kixxok li xsahob' ruheb' li kameey li nawank sa' xkuxeb'.

Jueces 8:25

Ke'chaq'ok ut ke'xye: “Chi anchal qach'ool tqak'e aawe”, chankeb'. Toja' naq laj Jedehón kixhel li xt'ikr chiru ch'och' ut aran ke'xk'e li matq'ab' li ke'reechani chixjunqaleb'.

Jueces 8:27

Rik'in li oor kiq'axtesiik re, laj Jedehón kixyiib' jun li efod ut kixk'e aran Ofrá, sa' li xtenamit. Ab'an chixjunileb' laj Israel ke'xmux li xpaab'aaleb' xb'aan li efod, li kikanaak jo' jun ra'al cho'q re laj Jedehón ut li xjunkab'al.

Proverbios 31:22

A'an ajwi' naxkem li risb' ut naxtiqib' rib' rik'in chaab'il t'ikr.

Isaías 3:18

Sa' li kutan a'an li Qaawa' trisi chixjunileb' li xsahob' ru eb' li ixq: li xsahob' ru li oqej, li kemb'il t'ikr,