Jueces 8:10 - Q'eqchi Bible

¹⁰ Laj Sébaj ut laj Salmuná wankeb' aran Karkor rochb'eeneb' laj puub', wankeb' tana o'laju mil chi winq (15,000): ka'ajwi' eb' a'an li toj yo'yookeb' sa' xyanqeb' laj releb'l saq'e, xb'aan naq wankeb' tana waqk'aal mil (120,000) li ak ke'kamsiik.

Li Santil hu

¹⁰ Laj Zeba ut laj Zalmuna cuanqueb saꞌ li naꞌajej Carcor rochbeneb oꞌlaju mil (15,000) lix soldado. Caꞌaj cuiꞌ eb aꞌan li toj yoꞌyo̱queb. Li jun ciento mil riqꞌuin junmay mil chic ac queꞌcamsi̱c saꞌ li ple̱t.

Jueces 8:10 ပူးပေါင်းရင်းမြစ်များ

Jueces 7:12

Eb' laj Madián, eb' laj Amalek jo'eb' ajwi' chixjunileb' li wankeb' sa' xjayal releb'l saq'e xcha'cha'ihom rib'eb' sa' li taq'a, k'ajo'eb' xk'ihal kama' eb' laj saak', ut makach'in ajwi' xk'ihaleb' li xkameey, jo' tz'aqal xk'ihal li samahib' wank chire li palaw.

2 Reyes 3:26

Naq li awab'ej re Mohab kixk'e reetal naq jwal kaweb' rib' laj Israel ut ink'a' neke'ruuk xq'axb'al ruheb', kixsik' ruheb' o'lajuk'aal xkab' o'q'ob' (700) chi winq li wankeb' xch'iich' ut kiraj nume'k toj wan wi' li awab'ej re Aram, ab'anan ink'a' ke'ruhank.

Jueces 20:46

Li xk'ihaleb' laj Benjamín li ke'kamsiik sa' li kutan a'an, oob' xka'k'aal mil chi winq li wankeb' xch'iich' ut yo'ooneb' chi yalok chixjunileb'.

Jueces 20:35

Li Qaawa' kixq'ax ruheb' laj Benjamín chiruheb' laj Israel ut sa' li kutan a'an ke'kamsiik oob' xka'k'aal mil rik'in o'k'aal (25,100) chi aj puub' aj Benjamín.

Jueces 20:25

Ab'anan jo'kan wi' chik ke'xk'ul. Eb' laj Benjamín ke'elk chaq Kibehá chi xk'ulb'aleb' ut ke'xkamsiheb' waqxaqlaju mil chik aj puub' aj Israel.

Jueces 20:17

Ut eb' laj Israel li koheb' chi yalok a'aneb' jun o'q'ob' mil (400,000) li wankeb' xch'iich', chi ink'a' k'eeb'ileb' sa' ajl eb' laj Benjamín. Chixjunileb' li winq a'an yo'ooneb' chi yalok.

Jueces 20:15

Sa' li kutan a'an eb' laj Benjamín li ke'chalk sa' jalan jalanq chi tenamit, a'aneb' oob' xka'k'aal mil chi winq li wankeb' xch'iich', chi ink'a' k'eeb'ileb' sa' ajl eb' laj Kibehá.

Jueces 20:2

Li xninqal ru winqeb' re chixjunil li tenamit ut chixjunileb' li xteepal laj Israel ke'ok sa' li xloq'laj ch'utam li xtenamit li Yos: li xk'ihaleb' a'an jun o'q'ob' mil (400,000) chi winq li wankeb' xch'iich' ut yal chi roqeb'.

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Isaías 9:4

Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

2 Crónicas 28:8

Eb' laj Israel ke'xk'am chi preexil lajeek'aal mil (200,000) aj Judá: ixqeb' rochb'eeneb' li ralal xk'ajoleb'. Naab'al ajwi' li k'a'aq re ru ke'xxok ut ke'xk'am Samaria.

2 Crónicas 28:6

Laj Pékaj, ralal laj Romelías, yal chiru jun kutan kixkamsi waqk'aal mil (120,000) chi winq aran Judá, chixjunileb' a'an jwal kaweb' rib'. Kik'ulmank chi jo'kan xb'aan naq ke'xtz'eqtaana li Qaawa', li xYos eb' li xxe'toonil yuwa'eb'.

2 Crónicas 13:17

Laj Abías rochb'eeneb' laj puub' ke'xq'ax ruheb' laj Israel. Ke'xkamsi o'k'aal xkab' o'q'ob' mil (500,000) chi winq li sik'b'ileb' ru.

Jueces 7:22

Naq eb' li o'lajuk'aal chi winq yookeb' chi xyaab'asinkil li xxukub'eb', li Qaawa' kixb'aanu naq chixjunileb' laj Madián ke'ok chi xkamsinkil rib' chirib'ileb' rib' yalaq b'ar. Ut eb' laj puub' ke'elelik toj Bet-Hasitá, sa' li b'e naxik Sartán, toj sa' xnub'ajl Abel-Mejolá, sa' xjayal Tabat.

Jueces 6:5

K'ajo'eb' xk'ihal laj Madián ut eb' li xkameey, chanchaneb' laj saak'! Rochb'eeneb' li xketomq ut li xmuheb'aaleb' neke'chalk sa' xb'eeneb' laj Israel, neke'okje'k sa' li xna'ajeb' ut neke'xsach ru chixjunil.

Jueces 8:11

Laj Jedehón kinume'k chire li xnub'ajl li chaqich'och', sa' xjayal releb'l saq'e re Nóbaj ut Yokbohá, ut ki'ok chi yalok rik'ineb' laj Madián naq eb' a'in maak'a' sa' xch'ooleb'.

Jueces 7:13

Naq laj Jedehón kiwulak aran, kirab'i naq jun li winq yo chi xseeraq'inkil li xmatk' re li jun chik chi jo'ka'in: “Ab'i, xwank jun linmatk': jun nimla wa re seb'aad yo chaq chi tolk'ok sa' li qana'aj, toj xwulak wan wi' jun li muheb'aal; xpik'a rib' chiru, kixpak'lusi ut kixt'an li muheb'aal”, chan.