Jueces 7:4 - Q'eqchi Bible

⁴ Ab'an li Qaawa' kixye wi' chik re laj Jedehón: “Toj naab'aleb' laawochb'een. Taqlaheb' chire li nima' re naq teb'inyal rix. Aran tink'ut chawu aniheb' te'xik chawix ut aniheb' ink'a' te'xik”.

Li Santil hu

⁴ Ut li Ka̱cuaꞌ quixye cuiꞌchic re laj Gedeón: —Toj nabaleb li soldado li cuanqueb a̱cuochben. Cꞌameb chire li nimaꞌ chi ucꞌac. Ut aran tinyal rixeb. La̱in tinye a̱cue bar cuan li teꞌxic cha̱cuix ut bar cuan li incꞌaꞌ teꞌxic cha̱cuix, chan li Dios.

Jueces 7:4 ပူးပေါင်းရင်းမြစ်များ

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Salmos 66:10

At qaYos, laa'at xatyalok rix li qapaab'aal ut xatz'il qix kama' naq nayale'k li plaat.

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

Génesis 22:1

Chirix chik a'an li Yos kixyal xpaab'aal laj Abrahán ut kixye: “Abrahán, Abrahán!”. Kichaq'ok a'an: “We'kin”, chan.

Jueces 7:5

Toja' naq laj Jedehón kixtaqlaheb' li tenamit chire li nima' ut li Qaawa' kixye re: “Chixjunileb' li te'xreq' li ha' rik'in ru'uj raq'eb' jo' junaq tz'i', taajek'eb' rik'ineb' li te'xwiq'ib' rib' re uk'ak”, chan.