Jueces 7:21 - Q'eqchi Bible

²¹ Ut ke'kanaak chi kulku sa' li xna'ajeb', chi xsutameb' laj Madián. Toja' naq chixjunileb' laj puub' re Madián ke'ajk ruheb' ut neke'ayaynakje'k naq ke'ok chi elelik.

Li Santil hu

²¹ Ut chixjunileb lix soldado laj Gedeón queꞌcana saꞌ xnaꞌajeb chi xjun sutam lix muheba̱leb laj Madián. Ut eb li soldado aj Madián japjo̱queb re xban xxiuheb nak yo̱queb chi e̱lelic.

Jueces 7:21 ပူးပေါင်းရင်းမြစ်များ

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Isaías 30:15

Jo'ka'in kixye li Qaawa', li xSant laj Israel: “Sutq'inqex chaq, xaqxooq leeroyb'enihom wik'in, ut texkole'q. Wi texwanq sa' xyaalal chi k'ojk'ooq leeraanm, teetaw xkawub' leech'ool”. A'ut laa'ex xetz'eqtaana li waatin

Isaías 30:7

Relik chi yaal naq li xtenq'aal Ejiipt maak'a' aj e ut maak'a' na'ok wi'. Jo'kan naq xink'e cho'q xk'ab'a' Ejiipt: “Josq' aj nimla xul, ab'an maak'a' na'ok wi'”.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Éxodo 14:25

Kixt'il li xb'eleb'aaleb' li kaar, ut ch'a'aj chik naq yookeb' chi xik. Toja' naq ke'xye eb' laj Ejiipt: “Eleliqo chiruheb' laj Israel xb'aan naq li Qaawa' yo chi yalok qik'in laa'o aj Ejiipt chirixeb' a'an”, chankeb'.

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

Jueces 7:20

Jo'kan ajwi' ke'xb'aanu li ox ch'uut chi aj puub': ke'xyaab'asiheb' li xukub' ut ke'xjoreb' li kuk. Sa' xtz'e uq'eb' wank li xxameb' ut sa' xnimeb' wank li xxukub'eb', ut ke'xjap re chi xyeeb'al: “Sa' xk'ab'a' li Qaawa' ut sa' xk'ab'a' laj Jedehón!”, chankeb'.

1 Reyes 20:20

Junjunqeb' chi aj puub' aj Israel kixkamsiheb' li ke'xtaweb' sa' xb'eheb'. Eb' laj Aram ke'elelik ut yo raanilasinkileb' xb'aaneb' laj Israel. Ab'an laj Ben-Adad, awab'ej re Aram, ki'elelik chirix kawaay rochb'een wiib' oxib'eb' chik.

2 Crónicas 20:15

ut kixye: “Ab'ihomaq chi us, chejunilex aj Judá ut aj Jerusalén, jo'wi' laa'at, a Josafat, at awab'ej. Li Qaawa' yo chi xyeeb'al eere: «Mexxiwak chi moko chi'ok leek'a'uxl chi rilb'aleb' li k'iila aj puub' a'an, xb'aan naq li yalok a'in, maawa' eere laa'ex, re b'an li Qaawa'.