Jueces 7:2 - Q'eqchi Bible

² Kixye li Qaawa' re laj Jedehón: “Q'axal naab'aleb' li tenamit neke'ochb'eenink aawe. Wi tinq'axtesiheb' sa' ruq'eb' laj Madián, mare anchal te'xnimob'resi rib' laj Israel ut te'xye naq rik'in li xwankileb' xe'xkol rib'.

Li Santil hu

² Ut li Ka̱cuaꞌ Dios quixye re laj Gedeón: —Kꞌaxal nabaleb li soldado cuanqueb a̱cuochben. Cui tincanabeb chi numta̱c saꞌ xbe̱neb laj Madián, teꞌxye nak xjuneseb xeꞌxba̱nu ut teꞌxqꞌue xlokꞌal xjuneseb rib ut incꞌaꞌ teꞌxqꞌue inlokꞌal la̱in.

Jueces 7:2 ပူးပေါင်းရင်းမြစ်များ

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

Romanos 11:18

matq'etq'eto'k chiruheb' li ruq'. Ut wi nakaq'etq'eti aawib', chanawaq naq moko laa'at ta nakatkuutunk li xe', a' b'an li xe' nakuutunk aawe.

Efesios 2:9

Moko xb'aan ta leeb'aanuhom naq kolb'ilex, re naq maa'ani tixnimob'resi rib'.

Zacarías 12:7

Ab'anan xb'een xb'een tinkoleb' laj Judá, re naq ink'a' taanimanq li xloq'al eb' li ralal xk'ajol laj David, ut eb' laj Jerusalén ink'a' te'xnimob'resi rib' sa' xb'eeneb' laj Judá.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Ezequiel 28:17

Q'axal xak'e aawankil xb'aan laachaab'ilal, ut xasach laachaab'il na'leb' xb'aan xchaq'alil aawu. Laa'in xatinkut chiru ch'och' re xk'utb'al laaxutaan chiruheb' li awab'ej.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Deuteronomio 32:27

Ab'anan ink'a' xwaj naq eb' li xik' neke'ilok reheb' te'xnimob'resi rib' ut te'xye: Laa'o xoosachok reheb', moko a' ta li Qaawa' xb'aanunk re a'in.

Romanos 3:27

B'ar put wank anaqwan li xnimankil qib'? Isinb'il chik chi junajwa. K'a' chi chaq'rab'il x'isink re? Ma rik'in qab'aanuhom? Ink'a'; rik'in b'an xchaq'rab'il li paab'aal.

Habacuc 1:16

Jo'kan naq laj kar taamayejaq chiru li xyooy ut tixk'at li pom chiru li xluch b'aq, xb'aan naq sa' xk'ab'a' a'an wank xwa ruk'a' chi chaab'il ut chi numtajenaq.

Daniel 4:30

kixye sa' xch'ool: “A'an a'in li nimla Babilonia li xinwaklesi cho'q xnimal tenamit rik'in linwankilal, re xk'utb'al linloq'al chiruheb' chixjunil”.

Ezequiel 28:2

“At kaamel winq, ye a'in re li x'awab'ej Tiro: «Jo'ka'in xye li Qaawa': Xaq'etq'eti aawib' ut xaye naq yosat. K'ojk'ookin sa' xk'ojarib'aaleb' li yos ut sutsuukin xb'aan li palaw, chankat. Ab'anan yal winqat ut maawa'at yos, us ta nakak'oxla naq wank aana'leb' jo' yos.

Jeremías 9:23

Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Isaías 10:13

Xyehom li awab'ej re Asiria: “Xinb'aanu a'in rik'in linkawilal ut rik'in li xwankil linna'leb', xb'aan naq jwal seeb' inch'ool. Xinsach xnub'ajlileb' li tenamit, xlajweechani li xb'ihomaleb' ut xwisiheb' li awab'ej sa' li xna'ajeb' jo' junaq winq li q'axal kaw rib'.

2 Crónicas 14:11

ut jo'ka'in kixye naq kitijok chiru li Qaawa' li xYos: “At Qaawa', ka'ajwi' laa'at nakatenq'aheb' li kaweb' rib' ut li maak'a'eb' xmetz'ew! Tenq'aho, at Qaawa', at qaYos, xb'aan naq aawik'in kaw qach'ool ut sa' aak'ab'a' xook'ulunk chi yalok rik'ineb' li poyanam a'in li k'ajo' xk'ihaleb'! At Qaawa', laa'at li qaYos! Maajun taxaq winq chinumtaaq chawu laa'at!”.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Deuteronomio 8:18

“Chijultiko'q aawe li Qaawa' laaYos: a'an li xk'ehok aakawilal chi xtamresinkil li b'ihomal. Ut xb'aanu chi jo'kan re xpaab'ankil li Sumwank li kixyeechi'i sa' jurament reheb' laana' laayuwa'.

Génesis 46:2

Sa' ajwi' li q'oqyink a'an li Yos kixk'ut rib' chiru laj Israel sa' moy u ut kixye re: “Jakob, Jakob”, chan re. Kichaq'ok a'an: “We'kin”, chan.

Números 31:4

Junq mil chi winq sa' xjunq teepalileb' laj Israel te'xik chi yalok”, chan laj Moisés.