Jueces 7:12 - Q'eqchi Bible

¹² Eb' laj Madián, eb' laj Amalek jo'eb' ajwi' chixjunileb' li wankeb' sa' xjayal releb'l saq'e xcha'cha'ihom rib'eb' sa' li taq'a, k'ajo'eb' xk'ihal kama' eb' laj saak', ut makach'in ajwi' xk'ihaleb' li xkameey, jo' tz'aqal xk'ihal li samahib' wank chire li palaw.

Li Santil hu

¹² Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

Jueces 7:12 ပူးပေါင်းရင်းမြစ်များ

Jueces 8:10

Laj Sébaj ut laj Salmuná wankeb' aran Karkor rochb'eeneb' laj puub', wankeb' tana o'laju mil chi winq (15,000): ka'ajwi' eb' a'an li toj yo'yookeb' sa' xyanqeb' laj releb'l saq'e, xb'aan naq wankeb' tana waqk'aal mil (120,000) li ak ke'kamsiik.

Jueces 6:5

K'ajo'eb' xk'ihal laj Madián ut eb' li xkameey, chanchaneb' laj saak'! Rochb'eeneb' li xketomq ut li xmuheb'aaleb' neke'chalk sa' xb'eeneb' laj Israel, neke'okje'k sa' li xna'ajeb' ut neke'xsach ru chixjunil.

Jueces 6:3

Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Josué 11:4

Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'.

Salmos 33:16

Moko nakole'k ta li awab'ej xb'aan naq numtajenaqeb' laj puub', chi moko taakole'q li kaw rib' xb'aan xnimal li xmetz'ew.

Salmos 3:1

Xsaalm laj David. Naq yo chi elelik chiru laj Absalón, li ralal.

1 Reyes 4:30

Li xchoxahil na'leb' laj Salomón q'axal nim wi' chik chiru li xna'leb'eb' laj Ejiipt ut li xna'leb'eb' jo'k'ihaleb' wankeb' chaq sa' xjayal releb'l saq'e.

Jueces 6:33

Chirix chik a'an ke'xjunaji rib' chixjunileb' laj Madián, eb' laj Amalek jo' ajwi' chixjunileb' li wankeb' sa' xjayal releb'l saq'e; ke'q'axonk junpak'al li nima' Jordán ut koxe'xyiib' xmuheb'aaleb' sa' xtaq'ahil Jisrehel.

Jueces 7:13

Naq laj Jedehón kiwulak aran, kirab'i naq jun li winq yo chi xseeraq'inkil li xmatk' re li jun chik chi jo'ka'in: “Ab'i, xwank jun linmatk': jun nimla wa re seb'aad yo chaq chi tolk'ok sa' li qana'aj, toj xwulak wan wi' jun li muheb'aal; xpik'a rib' chiru, kixpak'lusi ut kixt'an li muheb'aal”, chan.

1 Samuel 30:17

Toja' naq laj David ki'ok chi yalok rik'ineb' chalen eq'la toj reetal ki'ewuuk. Maajun kikole'k; ka'ajwi' jun o'q'ob' (400) chi saaj al li ke'elelik chirixeb' xkameey.

Jeremías 46:23

Te'xsaj li xk'iche'il li tenamit Ejiipt li k'ajo' xk'ihaleb' li che' -chan li Qaawa'-. K'ajo'aqeb' laj sachonel, q'axal naab'alaqeb' chiruheb' laj saak', ut ink'a' naru rajlankileb'.

1 Samuel 13:5

ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

1 Reyes 20:27

Ke'ajlamank ajwi' eb' laj Israel ut naq ak ke'jek'iik xtzekemqeb', koheb' chi xk'ulb'aleb'. Eb' laj Israel koxe'kanaaq chiruheb' laj Aram: chanchaneb' wi' wiib' ch'uut chi chib'aat, a'ut eb' laj Aram yookeb' chi xnujob'resinkil li ruuchich'och'!