Jueces 6:39 - Q'eqchi Bible

³⁹ Ab'anan laj Jedehón kixye wi' chik re li Yos: “Chakuy inmaak, matjosq'o'k wik'in wi tin'aatinaq wi' chik. B'aanu usilal, nawaj raj rilb'al wi' chik jun xnimal eetalil: chikanaaq chi chaqi li rix li karneer anaqwan ut wanq k'ajob' sa' xb'een chixjunil li ch'och'”, chan.

Li Santil hu

³⁹ Ut laj Gedeón quixye cuiꞌchic re li Dios: —Chacuy inma̱c, at inDios. Incꞌaꞌ taxak tatjoskꞌokꞌ cuiqꞌuin. Tintzꞌa̱ma cha̱cuu nak ta̱cꞌut jun chic li retalil chicuu. Tinqꞌue cuiꞌchic li rix li carner. Ut anakcuan nacuaj nak incꞌaꞌ ta̱tꞌaka̱k li rix li carner. Caꞌaj cuiꞌ chi xjun sutam ta̱tꞌakresi li chꞌochꞌ, chan laj Gedeón re li Dios.

Jueces 6:39 ပူးပေါင်းရင်းမြစ်များ

Génesis 18:32

Jun sut chik ki'aatinak laj Abrahán: “Matpo'k, at inQaawa'. Ka'aj chik anaqwan tin'aatinaq. Ut wi lajeeb' ajwi' taataw aran, ma taasach chixjunil li tenamit?”. Kisumeek: “Ink'a' ajwi' tinsach li tenamit, sa' xk'ab'a'eb' li lajeeb'”.

Isaías 50:2

K'a'ut naq maajun xintaw naq xink'ulunk chekolb'al? K'a'ut naq ink'a' xineesume naq xexinb'oq? Malaj ut xek'oxla naq ink'a' tinruuq eekolb'al ut maak'a' inwankil re eerisinkil sa' li rahilal? Yal rik'in jun chi aatin ninye, nachaqik li palaw, ut eb' li roq nima' joxk' neke'kanaak; eb' li kar neke'kamk xb'aan li chaqi'eel ut neke'q'aak xb'aan xmajelal li ha'.

San Mateo 21:43

Jo'kan naq ninye eere naq li xnimajwal awab'ejihom li Yos taamaq'e'q cheru ut taak'ehe'q re jalan chik tenamit re naq taa'uuchinq chi us.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

San Mateo 8:12

ut eb' li ke'b'oqe'k xb'enwa chi ok sa' li xnimajwal wankilal li choxa, te'isiiq ut te'tz'eqe'q sa' li aak'ab' chirix kab'l: aran taawanq li yaab'ak ut li k'uxuxink ruuch e.

Hechos 28:28

“Chenawaq b'i' naq li Yos naraj xkolb'aleb' li maawa'eb' aj Judiiy, ut eb' a'an relik chi yaal naq te'rab'i”.

Hechos 22:21

Ab'an li Qaawa' kixye we: «Ayu, xb'aan naq laa'in tatintaqla chi najt, sa' xyanqeb' li maawa'eb' aj Judiiy»”.

Jueces 6:38

Ut jo'kan kik'ulmank. Laj Jedehón toj eq'la kiwakliik, kixyatz' li rix li karneer, ut jun sek' chi ha' kirisi sa' li rix.

Jueces 6:40

Ut li Yos jo'kan kixb'aanu sa' li q'oqyink a'an. Ka'ajwi' li rix li karneer chaqi kikanaak, ut wank k'ajob' sa' xb'een chixjunil li ch'och'.

Génesis 18:30

Kixye laj Abrahán: “Matpo'k, at inQaawa', wi toj tinye aawe. Mare anchal lajeeb' xka'k'aal ajwi' taataw”. Kisumeek: “Ink'a' tinb'aanu, wi teb'intaw lajeeb' xka'k'aal”.