Jueces 6:3 - Q'eqchi Bible

³ Rajlal naq eb' laj Israel neke'awk, neke'chalk eb' laj Madián rochb'eeneb' laj Amalek ut eb' li poyanam li wankeb' sa' xjayal releb'l saq'e; neke'chalk sa' xb'eeneb',

Li Santil hu

³ Rajlal nak eb laj Israel yo̱queb chi a̱uc, eb laj Madián, ut eb laj Amalec rochbeneb li cuanqueb saꞌ li oriente queꞌxjunaji ribeb, ut queꞌco̱eb chi pletic riqꞌuineb laj Israel.

Jueces 6:3 ပူးပေါင်းရင်းမြစ်များ

Jueces 7:12

Eb' laj Madián, eb' laj Amalek jo'eb' ajwi' chixjunileb' li wankeb' sa' xjayal releb'l saq'e xcha'cha'ihom rib'eb' sa' li taq'a, k'ajo'eb' xk'ihal kama' eb' laj saak', ut makach'in ajwi' xk'ihaleb' li xkameey, jo' tz'aqal xk'ihal li samahib' wank chire li palaw.

Jueces 6:33

Chirix chik a'an ke'xjunaji rib' chixjunileb' laj Madián, eb' laj Amalek jo' ajwi' chixjunileb' li wankeb' sa' xjayal releb'l saq'e; ke'q'axonk junpak'al li nima' Jordán ut koxe'xyiib' xmuheb'aaleb' sa' xtaq'ahil Jisrehel.

Jueces 3:13

Laj Eklón kixjunaji rib' rik'ineb' laj Amón ut laj Amalek, koho ut kixq'ax ruheb' laj Israel, ut kixchap Jerikó, li xTenamitul li kala'.

Li xHu LAJ JOB 1:3

Kiwank ajwi' wuqub' mil xkarneer, oxib' mil xkameey ut o'k'aal xkab' o'q'ob' (500) sumal xb'ooyx, ut numtajenaqeb' laj k'anjel chiru. A'an li winq q'axal b'ihom sa' xyanqeb' li wankatqeb' sa' xteepal li releb'l saq'e.

1 Reyes 4:30

Li xchoxahil na'leb' laj Salomón q'axal nim wi' chik chiru li xna'leb'eb' laj Ejiipt ut li xna'leb'eb' jo'k'ihaleb' wankeb' chaq sa' xjayal releb'l saq'e.

Jueces 8:10

Laj Sébaj ut laj Salmuná wankeb' aran Karkor rochb'eeneb' laj puub', wankeb' tana o'laju mil chi winq (15,000): ka'ajwi' eb' a'an li toj yo'yookeb' sa' xyanqeb' laj releb'l saq'e, xb'aan naq wankeb' tana waqk'aal mil (120,000) li ak ke'kamsiik.

Génesis 29:1

Laj Jakob kixchap xb'e ut koho sa' xtenamiteb' li wankeb' sa' releb'l saq'e.

Miqueas 6:15

Tat-awq, ab'an maak'a' taaxok; tatyatz'oq ru li oliiw, ab'an maak'a' taataw; tatyatz'oq uub', ab'an ink'a' tat-uk'aq b'iin.

Li xHu LAJ JOB 31:8

chitzekaaq li wawimq xb'aaneb' jalan chik, ut xmich'aqeb' jo'ch'inal jo'nimal xwaw.

Deuteronomio 28:51

Eb' a'an te'xtzeka ral laawakax ut li ru rawimq laach'och', toj reetal tat-oso'q. Moko te'xkanab' ta b'ayaq aatriiw chi moko aab'iin chi moko aa'aseeyt, chi moko raleb' laawakax, chi moko raleb' laakarneer, toj reetal tat-oso'q chi junajwa.

Levítico 26:16

jo'kan ajwi' tinb'aanu eere laa'in: tintaqla chaq sa' eeb'een li xiwak, li raxkamk, li tiq, li xyajel sa' uhej ut xlub'ik leetib'el; maak'a' rajb'al naq tex'awq xb'aan naq a'eb' li xik' neke'ilok eere te'yaloq xsahil ru leerawimq.

Jueces 6:2

K'ajo' naq eb' laj Madián ke'xrahob'tesiheb' laj Israel! Jo'kan naq eb' a'in ke'xmuq chaq rib' sa' xyanqeb' li tzuul, sa'eb' li ochoch pek ut sa'eb' li xaqxookil b'ool, re xkolb'al rib'eb' chiruheb' laj Madián.

Jueces 6:4

neke'hilank sa' li xch'och'eb' ut neke'xsach li rawimqeb' toj nawulak sa' li tenamit Gasa. Ink'a' neke'xkanab' xtzekemqeb' laj Israel, chi moko xkarneereb', xb'ooyxeb', chi moko xb'uureb'.

1 Reyes 20:27

Ke'ajlamank ajwi' eb' laj Israel ut naq ak ke'jek'iik xtzekemqeb', koheb' chi xk'ulb'aleb'. Eb' laj Israel koxe'kanaaq chiruheb' laj Aram: chanchaneb' wi' wiib' ch'uut chi chib'aat, a'ut eb' laj Aram yookeb' chi xnujob'resinkil li ruuchich'och'!

Isaías 62:8

Li Qaawa' kixye li xjurament sa' xk'ab'a' li xwankilal: “Maajoq'e chik tink'e laatriiw reheb' li xik' neke'ilok aawe, chi moko eb' li jalanil poyanam te'ruk' chik laab'iin li xatawasi wi' aawib',

Ezequiel 25:4

Jo'kan naq texinq'axtesi sa' ruq'eb' li wankeb' chaq sa' xjayal releb'l saq'e: eb' a'an te'reechani leena'aj, te'xyiib'atq li xmuheb'aaleb' chisa' ut aran te'na'ajunq; a'aneb' chik te'tzekanq li ru leerawimq ut te'ruk' li xya'al xtu' leewakax.

Génesis 25:6

Ab'an eb' li ralal laj Abrahán rik'ineb' li rixaqil junch'ol chik kixk'eheb' xmaatan ut kixtaqlaheb' sa' li na'ajej na'elk wi' li saq'e, najt rik'in laj Isahak.

Éxodo 17:8

Ke'chalk eb' laj Amalek chi yalok rik'ineb' laj Israel aran Refidín.

Jueces 10:12

eb' laj Sidón, eb' laj Amalek ut eb' laj Madián. Ab'an naq laa'ex keyaab'a ink'ab'a', ma ink'a' tab'i' kexinkol?

1 Reyes 5:10

Jo'kan naq laj Jirán kixk'e re laj Salomón jo'k'ihaleb' li yaw ut li saqichaj kiraj,

Isaías 11:14

Te'xik sa' xjayal rokeb'l saq'e chi yalok rik'ineb' laj Filistea ut toxe'xchap chi maak'a'aq sa' xch'ooleb'; chi xkab'ichaleb' te'xxok li xb'ihomaleb' li poyanam li wankeb' sa' xjayal releb'l saq'e. Toxe'awab'ejinq sa' xb'eeneb' laj Edom ut Mohab, ut eb' laj Amón te'paab'anq chiruheb'.

Jeremías 49:28

Jo'ka'in kixye li Qaawa' chirixeb' laj Kedar ut eb' li awab'ej re Jasor, li ke'q'axe'k ru xb'aan laj Nabukodonosor, li awab'ej re Babilonia: “Xaqlinqex ut ayuqex chi yalok rik'in Kedar, sachomaqeb' ru li poyanam wankeb' sa' xjayal releb'l saq'e.

Ezequiel 25:3

naq te'rab'i li aatin naxye li Qaawa': «Laa'ex xexsaho'k naq xsachmank xloq'al li wochoch, xjuk'mank li tenamit Israel ut eb' laj Judá xe'k'ame'k chi preexil.