Jueces 6:27 - Q'eqchi Bible

²⁷ Toja' naq laj Jedehón kixsik' ruheb' lajeeb' chi winq sa' xyanqeb' laj k'anjel chiru ut kixb'aanu li kiyehe'k re xb'aan li Qaawa'. Ab'anan ink'a' kixb'aanu chi kutan, chi q'eq b'an kixb'aanu, xb'aan xxiw chiruheb' li xkomon ut li wankeb' sa' li tenamit a'an.

Li Santil hu

²⁷ Ut laj Gedeón, rochbeneb laje̱b lix mo̱s, queꞌxba̱nu joꞌ quixye li Ka̱cuaꞌ. Abanan incꞌaꞌ quixba̱nu chi cutan. Chiru kꞌojyi̱n ban quixba̱nu xban nak quixucuac chiruheb lix comon ut chiruheb ajcuiꞌ li cui̱nk li cuanqueb saꞌ li tenamit aꞌan.

Jueces 6:27 ပူးပေါင်းရင်းမြစ်များ

1 Ts 2:4

Relik chi yaal, jo' naq li Yos kixyal qix ut kixq'axtesi qe li Chaab'il Esilal, jo'kan ajwi' naq naqapuktesi laa'o, maawa' re xk'ojob'ankil xch'ool li winq, re b'an xk'ojob'ankil xch'ool li Yos li naxyal qix sa' xchamal li qaanm.

San Juan 2:5

Kixye li na'b'ej reheb' laj k'anjel: —B'aanuhomaq li k'aru tixye eere.

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

San Juan 15:14

Laa'ex li wamiiw wi nekeb'aanu li nekexintaqla wi'.

San Juan 3:2

A'an kiwulak rik'in li Jesus chi q'eq ut kixye re: —At Tzolonel, naqanaw naq rik'in li Yos chalenaqat chaq cho'q aj tzolonel, xb'aan naq maa'ani naru chi b'aanunk re li xninqal eetalil nalajaab'aanu laa'at wi maak'a' li Yos rik'in.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Salmos 112:5

Us xaq re li natoq'ob'ank u ut nak'ehok chi to' li xtumin, ut naxjolomi chi chaab'il li xjunkab'al.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.

Jueces 6:28

Eq'la re li kutan jun chik, naq ke'wakliik eb' li wankeb' sa' li tenamit, juk'b'il chik li x'artal laj Bahal, yok'b'il chik li loq'laj che' li wank chi xk'atq, ut li teelom wakax ak yeechi'inb'il chik cho'q k'atb'il mayej sa' xb'een li artal li toje' kiyiib'aak aran.