Jueces 6:26 - Q'eqchi Bible

²⁶ Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.

Li Santil hu

²⁶ Ut ta̱yi̱b chi cha̱bil jun chic li artal saꞌ xbe̱n li bol aꞌin re inlokꞌoninquil la̱in li Ka̱cuaꞌ la̱ Dios. Ut saꞌ li artal li ta̱yi̱b, ta̱cꞌat li toro chokꞌ a̱mayej. Lix cheꞌel li dios Asera li xayocꞌ, aꞌan li ta̱cꞌanjelak chokꞌ a̱siꞌ re xcꞌatbal li toro, chan li Ka̱cuaꞌ.

Jueces 6:26 ပူးပေါင်းရင်းမြစ်များ

1 Corintios 14:40

Ab'anan chi'uxmanq chixjunil sa' chaab'ilal ut chi tustu ru.

1 Corintios 14:33

xb'aan naq li Yos moko Yos ta re po'ok ch'oolej, xYos b'an li tuqtuukilal. Jo' na'uxk sa' chixjunileb' li x'Iklees eb' laj santil paab'anel,

2 Samuel 24:18

Sa' ajwi' li kutan a'an koho laj Gad rik'in laj David ut kixye re: “Ayu chi xxaqab'ankil jun x'artal li Qaawa' sa' li xch'oxleb'aal laj Arawná aj Jebús”.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Jueces 6:25

Sa' ajwi' li q'oqyink a'an li Qaawa' kixye re laj Jedehón: “Chap li xteelom wakax laayuwa', li wank wuqub' chihab' re. Taajuk' li x'artal laj Bahal li re laayuwa', ut taayok' li loq'laj che' li wank chi xk'atq.

Jueces 6:27

Toja' naq laj Jedehón kixsik' ruheb' lajeeb' chi winq sa' xyanqeb' laj k'anjel chiru ut kixb'aanu li kiyehe'k re xb'aan li Qaawa'. Ab'anan ink'a' kixb'aanu chi kutan, chi q'eq b'an kixb'aanu, xb'aan xxiw chiruheb' li xkomon ut li wankeb' sa' li tenamit a'an.

1 Samuel 6:14

Naq kiwulak sa' xk'aleb'aal laj Josué aj Bet-Semes, kixaqliik li kareet. Aran wank jun nimla pek. Toja' naq eb' laj Leví ke'xkub'si li xLoq'laj Kaax li Qaawa' jo'wi' li kaax li wank chi xk'atq, a' li wan wi' li k'a' re ru yiib'anb'il rik'in oor, ut ke'xk'e sa' xb'een li nimla pek. Chirix chik a'an ke'xtoqi li xche'el li kareet, ke'xloch jun li xam ut ke'xyeechi'i eb' li wakax cho'q k'atb'il mayej chiru li Qaawa'. Sa' li kutan a'an eb' laj Bet-Semes ke'xq'axtesi naab'al li k'atb'il mayej ut xyeechi'omeb' chiru li Qaawa'.

2 Samuel 24:22

Kixye laj Arawná: “At awab'ej, aj eechal we, chap ut yeechi'i li k'aru taawaj. Arin wankeb' linb'ooyx re li mayejak; ut li b'eleb'aal ch'iich' jo'wi' li b'itche' taak'anjelaq cho'q aasi'.