Jueces 6:25 - Q'eqchi Bible

²⁵ Sa' ajwi' li q'oqyink a'an li Qaawa' kixye re laj Jedehón: “Chap li xteelom wakax laayuwa', li wank wuqub' chihab' re. Taajuk' li x'artal laj Bahal li re laayuwa', ut taayok' li loq'laj che' li wank chi xk'atq.

Li Santil hu

²⁵ Saꞌ ajcuiꞌ li kꞌojyi̱n aꞌan, li Ka̱cuaꞌ quixye re laj Gedeón: —Cꞌam lix toro la̱ yucuaꞌ, li xcab toro li cuan cuukub chihab re. Ta̱jucꞌ li artal li quixyi̱b la̱ yucuaꞌ re xlokꞌoninquil li yi̱banbil dios Baal. Ut ta̱yocꞌ ajcuiꞌ li cheꞌ li nequeꞌxlokꞌoni cuiꞌ lix Asera lix dioseb li cuan chixcꞌatk li yi̱banbil dios Baal.

Jueces 6:25 ပူးပေါင်းရင်းမြစ်များ

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

Hechos 4:19

A'ut laj Pedro ut laj Jwan ke'chaq'ok ut ke'xye: —K'oxlahomaq laa'ex k'aru us chiru li Yos: ma eepaab'ankil laa'ex malaj xpaab'ankil li Yos?

Salmos 101:2

Twaj tinb'eeq sa' li b'e jwal chaab'il: jo'q'e tatchalq wik'in, at inYos? Tinwanq chi tuqtuuq inch'ool sa' li wochoch,

Li xHu LAJ JOB 22:23

Wi nakatsutq'iik rik'in li Nimajwal chi kub'enaq aawankil, taanajto'q li rahilal rik'in laajunkab'al.

Deuteronomio 7:5

A'an a'in li tento teeb'aanu: juk'umaq eb' li x'artal li wuqub' chi tenamit a'an, putz'ihomaq li xxaqab'anb'il pekeb', chetoqi eb' li xloq'laj toon che' ut teek'e xxamlel li xyoseb'.

Génesis 35:2

Toja' naq laj Jakob kixye reheb' li wankeb' sa' rochoch jo' ajwi' reheb' chixjunil li rochb'een: “Isihomaq chixjunileb' li jalanil yos li wank eerik'in. Chech'ajob'resi eerib' ut jalomaq leeraq'.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

Jueces 6:26

Chirix chik a'an, sa' xb'een li xaqxookil tzuul a'an, taayiib' chi chaab'il jun li artal cho'q re li Qaawa' laaYos. Taachap li teelom wakax ut taak'at jo' loq'laj mayej, chiru li xsi'ul li loq'laj che' xayok'”, chan.