Jueces 6:19 - Q'eqchi Bible

¹⁹ Laj Jedehón koho, koxkawresi chaq jun ch'ina chib'aat ut rik'in jun b'isok chi k'aj kixk'uub' wa ink'a' yuub'il. Kixk'e li tib' sa' jun ch'ina chakach, ut li xya'al kixk'e sa' jun li uk'al, ut kixk'am chixjunil rub'el li ji. Naq yo chi nach'ok,

Li Santil hu

¹⁹ Ut laj Gedeón co̱ saꞌ rochoch ut quixcamsi jun li chiba̱t toj sa̱j ut quixchik. Riqꞌuin junmay litro li harina quixyi̱b li caxlan cua ma̱cꞌaꞌ xchꞌamal. Quixqꞌue li tib saꞌ jun li chacach ut quixqꞌue li caldo saꞌ jun li ucꞌal. Quixcꞌam chixjunil aran rubel li cheꞌ ji ut quixqꞌue re li ángel.

Jueces 6:19 ပူးပေါင်းရင်းမြစ်များ

Levítico 2:4

“Wi laamayej a'an k'aj chiqb'il sa' ru xam, chaq'axtesi chi pixtunil yiib'anb'ilaq rik'in chaab'il k'aj, ink'a' yuub'il ut yoq'b'ilaq, malaj chaq'axtesi chi jayil wa ink'a' yuub'il ut chiqb'ilaq sa' aseeyt.

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

Génesis 18:5

ut laa'in tink'am chaq kach'inaq eewa re taak'ulunq eech'ool. Toja' naq texxik: a'in aj e naq xexnume'k rik'in laj k'anjel cheru”. Ke'chaq'ok eb' a'an: “Us, maak'a' naxye”, chankeb'.

Jueces 6:18

B'aanu usilal, mat-elk wan arin toj reetal tinsutq'iiq chaq aawik'in. Tink'am chaq linmayej ut tinq'axtesi aawe”, chan. “Us -chan li Qaawa'-, tinkanaaq arin toj reetal tatsutq'iiq chaq”.

Jueces 6:20

li x'ánjel li Qaawa' kixye re: “Chap li tib' ut li k'uluj ink'a' yuub'il, k'eheb' sa' xb'een li pek a'an ut hoy li xya'al sa' xb'een”, chan. Laj Jedehón kixb'aanu jo' kiyehe'k re.

Génesis 18:3

ut kixye: “At inQaawa', wi usilal xintaw chawu, ma tik at nume'k chi xk'atq laj k'anjel chawu.

Jueces 13:20

Ut kik'ulmank a'in chiru laj Manóhaj ut li rixaqil: naq li raq'xam li na'elk sa' xb'een li artal kitaqe'k sa' choxa, li x'ánjel li Qaawa' yo chi xik sa' li raq'xam. Toja' naq laj Manóhaj ut li rixaqil ke'xhupub' rib' sa' ch'och' chi loq'onink.