Jueces 6:13 - Q'eqchi Bible

¹³ Kichaq'ok laj Jedehón ut kixye: “Chinaakuy, at inQaawa'. Wi li Yos wank qik'in, k'a'ut naq yooko chi xk'ulb'al chixjunil a'in? B'ar wankeb' chixjunil li sachb'ach'oolej li neke'xseeraq'i qe eb' li qana' qayuwa' naq neke'xye: «Ma maawa' tab'i' li Qaawa' ki'isink chaq qe Ejiipt?», chankeb'. A'ut anaqwan li Qaawa' xooxkanab' qajunes ut xooxq'axtesi sa' ruq'eb' laj Madián”, chan laj Jedehón.

Li Santil hu

¹³ Quichakꞌoc laj Gedeón ut quixye re: —At Ka̱cuaꞌ, cui li Dios cuan kiqꞌuin, ¿cꞌaꞌut nak yo̱co chixcꞌulbal li raylal aꞌin? ¿Bar cuan li milagros queꞌxserakꞌi ke li kanaꞌ kayucuaꞌ nak queꞌxye: “¿Ma incꞌaꞌ ta biꞌ xorisi chak li Ka̱cuaꞌ Egipto?” chanqueb. Anakcuan li Ka̱cuaꞌ xoxtzꞌekta̱na ut xoxkꞌaxtesi saꞌ rukꞌeb laj Madián, chan.

Jueces 6:13 ပူးပေါင်းရင်းမြစ်များ

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Salmos 44:1

Re li xjolomileb' laj b'ichanel. Xb'icheb' li ralal xk'ajol laj Koré.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Isaías 41:17

Eb' li neb'a' ut li kub'enaqeb' xwankil neke'xsik' li ha', ab'an maak'a' neke'xtaw; xe'chaqik li ru'uj raq'eb' xb'aan li chaqi'eel. Ab'an laa'in li Qaawa' tintenq'aheb', laa'in li xYos laj Israel ink'a' tinkanab' xjuneseb'.

Salmos 89:49

Ani yo'yooq chi ink'a' ta toxkamq, chanru taaqakol qib' chiru li kamk?

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Génesis 25:22

Ab'an eb' li xk'uula'al neke'xpleeti rib' rik'in chaq li xna'. Ut a'an kixye: “Wi jo'ka'in li wank, k'a' aj e naq yo'yooqin?”, chan. Ut koho chi patz'ok rik'in li Qaawa'.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Jeremías 23:33

“At Jeremías, wi junaq propeet, junaq aj tij malaj ani chik reheb' li tenamit te'xpatz' aawe: «K'aru li qachaq'rab'inkil xb'aan li Qaawa', k'aru li iiq xk'ehom sa' qab'een?», cha'aq, taaye reheb': «Li Qaawa' xye naq laa'ex li iiq! Tz'eqtaananb'ilex chik anaqwan», cha'qat.

Salmos 27:9

Maatz'eqtaana laj k'anjel chawu xb'aan laajosq'il: ka'jat wi' laa'at laj tenq'ahom we. Minsachk sa' aach'ool, minaakanab' injunes, laa'at li Yos li nakatkolok we.

Deuteronomio 29:24

“Toja' naq chixjunileb' li poyanam te'patz'oq: «K'a'ut naq jo'kan kixb'aanu li Qaawa' rik'in li ch'och' a'an? K'a'ut naq kichalk li xnimal xjosq'il li Qaawa'?», cha'qeb'.

Jueces 6:1

Eb' laj Israel ke'ok wi' chik chi xb'aanunkil li ink'a' nawulak chiru li Qaawa'; jo'kan naq li Qaawa' kixq'axtesiheb' sa' ruq'eb' laj Madián chiru wuqub' chihab'.

Jueces 6:12

Li x'ánjel li Qaawa' kixk'ut rib' chiru ut kixye re: “Li Qaawa' wank aawik'in, at winq q'axal kaw aawib'”, chan.

Salmos 44:9

At Qaawa', junelik tqanima qib' sa' laak'ab'a', kok'aq xsa' tatqaninq'ehi ut tooyoxinq chawu.

Salmos 44:2

At qaYos, rik'in qaxik xqab'i resil ut eb' li qana' qayuwa' xe'xseeraq'i qe k'aru xab'aanu najter q'e kutan, naq toj wankeb' chaq eb' a'an.

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés