Jueces 5:7 - Q'eqchi Bible

⁷ Maak'a'eb' chaq chik laj k'amol b'e aran Israel, maak'a'eb' chaq chik toj reetal kinwakliik laa'in lix Débora, kinwakliik laa'in xna'eb' laj Israel.

Li Santil hu

⁷ Eb li queꞌcuan saꞌ li cocꞌ tenamit li cuanqueb saꞌ xcue̱nt Israel quilajeꞌel. Eb li naꞌajej queꞌcana chi ma̱ ani cuan aran toj nak la̱in lix Débora xin-oc chixtenkꞌanquileb. Chanchanin lix naꞌeb laj Israel nak xin-oc chixtenkꞌanquileb.

Jueces 5:7 ပူးပေါင်းရင်းမြစ်များ

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

2 Samuel 20:19

Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

Romanos 16:13

Chek'e xsahil xch'ool laj Rufo, li sik'b'il ru sa' xk'ab'a' li Qaawa', jo'wi' li xna': a'an ajwi' linna' laa'in.

Ester 9:19

Jo'kan naq eb' laj Judiiy li xcha'cha'ihomeb' rib' sa' chixjunil li awab'ejihom neke'ninq'ehik sa' li kaalaju xb'e li po Adar, chi q'axal sa sa' xch'ooleb', ut nalaje'xk'e xmaataneb' chirib'ileb' rib'.

Jueces 5:6

Sa' xkutankil laj Sankar, ralal laj Anat, sa' xkutankil lix Jahel ink'a' ki'uxk b'eek sa'eb' li xninqal b'e; ut eb' laj numel junes jalb'e aj chik ke'xk'am.

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.