Jueces 5:31 - Q'eqchi Bible

³¹ “Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Li Santil hu

³¹ Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Jueces 5:31 ပူးပေါင်းရင်းမြစ်များ

Salmos 37:6

tixk'e chi kutano'k li xtiikilal laawaanm jo' naq nasaqewk, taalemtz'unq li xchaab'ilal laayu'am jo' naq nawa'leb'o'k.

2 Samuel 23:4

chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

1 Pedro 1:8

Laa'ex ink'a' eerilom ru li Jesukriist, ab'an nekera. Us ta ink'a' nekeril ru anaqwan, ab'an nekepaab', k'ajo' naq nasaho'k leech'ool: makach'in li xnimal ut li xloq'al li sahil ch'oolejil a'an!

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

1 Corintios 8:3

Ab'anan li narahok re li Yos, a'an nawno ru xb'aan li Yos.

Daniel 12:3

Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.

Salmos 91:14

“Xq'axtesi rib' chiwu, jo'kan naq tinkol -chan li Qaawa'-; tinmuheela xb'aan naq naxnaw wu.

Salmos 89:36

Sa' xk'ab'a' linsantilal xinye sa' jurament naq ink'a' tintik'ti'i laj David!

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

San Mateo 13:43

Toja' naq eb' li tiikeb' xch'ool te'lemtz'unq ruheb' kama' li saq'e, sa' li xnimajwal awab'ejihom li xYuwa'eb'. Ani wank xxik, chi'ab'inq.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Salmos 97:10

Li Qaawa' naxraheb' li neke'tz'eqtaanank re li maa'usilal; a'an nak'aak'alenk reheb' li neke'paab'ank re, ut naxkoleb' chiru chixjunileb' li ink'a' useb' xna'leb'.

Jueces 3:11

Chiru ka'k'aal chihab' li tenamit kiwank sa' tuqtuukilal. Chirix chik a'an kikamk laj Otoniel, ralal laj Kenás.

Salmos 97:8

At Qaawa', naq eb' laj Sión ut eb' li tenamit re Judá te'rab'i naq laa'at tiik aach'ool, k'ajo' naq te'saho'q sa' xch'ool ut te'ninq'ehiq.

Salmos 92:9

Ka'ajwi' laa'at, at Qaawa', nakat-awab'ejink sa' choxa chi junelik.

Jueces 3:30

Sa' li kutan a'an laj Mohab kisache'k xwankil xb'aan laj Israel, ut li tenamit kiwank sa' tuqtuukilal chiru kaak'aal chihab'.

Deuteronomio 6:5

“Taara li Qaawa' laaYos chi anchal laach'ool, chi anchal laawaanm ut chi anchal laametz'ew.

Éxodo 20:6

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Apocalipsis 6:10

Ut ke'ok chi xjapb'aleb' re chi kaw xyaab'eb' xkux, ut ke'xye: “At santil Eechalinel, laa'at paab'ajelat, toj jo'q'e tatkanaaq chi ink'a' tatraqoq aatin sa' xb'eeneb' li wankeb' sa' ruuchich'och' ut ink'a' taweeqajuniheb' li ke'kamsink qe?”.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Apocalipsis 1:16

Sa' li xnim uq' wankeb' wuqub' chi chahim ut sa' re na'elk chaq jun li jutz' ch'iich' ka'pak'al xq'esnal, ut li xnaq' ru kama' li saq'e naq nalemtz'unk chi k'ajo' xtiqwal.

2 Samuel 18:31

Sa' ajwi' li honal a'an kiwulak laj Kus ut kixye: “At awab'ej, aj eechal we, chak'ul li chaab'il esil, xb'aan naq sa' li kutan a'in li Qaawa' xatxkol sa' ruq'eb' chixjunileb' li xe'wakliik sa' aab'een”.

Salmos 89:37

Eb' li ralal xk'ajol te'wanq xwankil chi junelik, ut li xk'ojarib'aal kama'aq li saq'e chiwu laa'in,

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

2 Samuel 18:32

Kixye li awab'ej re laj Kus: “Ma maak'a' reek' li saaj al laj Absalón?”. Kichaq'ok laj Kus: “At awab'ej, chixjunileb' li xik' neke'ilok aawe ut jo'k'ihaleb' neke'wakliik chaq sa' aab'een te'xk'ul taxaq kama' kixk'ul li saaj al a'an”, chan.

Salmos 19:6

ut chanchan junaq b'eelomej li na'elk sa' xwarib'aal, nasaho'k sa' xch'ool li saq'e naq na'elk chaq eq'la, kama' junaq aj aanilanel li naxchap xb'e chi aanilak.

Salmos 20:8

Wankeb' li kaweb' xch'ool rik'ineb' li xb'eleb'aal ch'iich', wankeb' chik rik'ineb' li xkawaay; a'ut laa'o k'ojk'o li qach'ool rik'in li Qaawa' li qaYos.

Salmos 92:10

Eb' li xik' neke'ilok aawe te'sache'q ru, ut eb' li neke'b'aanunk maa'usilal te'cha'cha'iiq ruheb'.