Jueces 5:3 - Q'eqchi Bible

³ Ab'ihomaq, ex awab'ej; chineerab'ihaq, ex k'amol b'e! Twaj tinb'ichanq chiru li Qaawa'; tinb'icha xloq'al li Qaawa', xYos laj Israel.

Li Santil hu

³ Chine̱rabihak la̱ex rey. Chine̱rabihak la̱ex li nequextaklan saꞌ xbe̱neb li tenamit. Cheqꞌuehak retal xban nak la̱in oc cue chi bicha̱nc re xqꞌuebal xlokꞌal li Ka̱cuaꞌ. Tinbicha xlokꞌal li nimajcual Dios li nakalokꞌoni la̱o aj Israel.

Jueces 5:3 ပူးပေါင်းရင်းမြစ်များ

Salmos 119:46

Tinch'olob' xyaalal laachaq'rab' chiruheb' li awab'ej, ut ink'a' tinkanaaq sa' xutaan.

Esdras 7:21

Laa'in, li awab'ej Artajerjes, nink'e li chaq'rab' a'in reheb' chixjunileb' laj k'uulanel tumin li wankeb' junpak'al li nima' Éwfrates: Jo'ch'inal jo'nimal tixpatz' eere laj Esdras, aj tij ut aj k'utul re li xChaq'rab' li xYos li choxa, teek'e re chi junpaat,

1 Reyes 19:14

Kichaq'ok ut kixye: “K'ajo' naq naxamnak linch'ool rik'in aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet. Ka'ajin aj chik xinkanaak ut te'raj ajwi' inkamsinkil”.

1 Reyes 19:10

“K'ajo' naq naxamnak linch'ool xb'aan aaraab'al, at Qaawa', xb'aan naq eb' laj Israel xe'xtz'eqtaana laasumwank, xe'xjuk'i eb' laa'artal ut xe'xkamsiheb' laapropeet! Ka'ajin aj chik xinkanaak, ut te'raj ajwi' inkamsinkil”, chan laj Elías.

1 Reyes 18:22

Ut laj Elías kixye ajwi' reheb': “Ka'ajin aj chik xpropeet li Qaawa', ut eb' li xpropeet laj Bahal, wankeb' lajeeb' roxk'aal xkab' o'q'ob'.

Jueces 5:7

Maak'a'eb' chaq chik laj k'amol b'e aran Israel, maak'a'eb' chaq chik toj reetal kinwakliik laa'in lix Débora, kinwakliik laa'in xna'eb' laj Israel.

Deuteronomio 32:3

Ok we chi xyaab'ankil xk'ab'a' li Qaawa': chenimaaq xloq'al li qaNimajwal Yos!

Deuteronomio 32:1

“Ab'ihomaq, ex choxa, ok we chi aatinak; li ruuchich'och' chirab'iiq li aatin taa'elq chi xtz'uumal we.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Éxodo 31:6

K'e reetal, laa'in xink'e laj Oholiab cho'q aj tenq' re, a' li ralal laj Ajisamak, xkomoneb' li ralal xk'ajol laj Dan. Xink'e ajwi' xseeb'aleb' xch'ool chixjunileb' laj k'anjel re te'xb'aanu chixjunil li xatintaqla wi':

Génesis 9:9

“Anaqwan tink'ojob' linSumwank eerik'in, ut rik'ineb' leeralal eek'ajol li te'wanq moqon,

Génesis 6:17

Laa'in tink'e jun nimla b'ut'iha' sa' xb'een li ruuchich'och' re xsachb'aleb' chixjunil li wankeb' xmusiq' junsut junrub'el choxa: chixjunileb' li wankeb' sa' ruuchich'och' te'oso'q.

Salmos 27:6

Tikto tinwaklesi li wilob'aal sa' xb'eeneb' li xik' neke'ilok we sutsuukin wi'. Sa' xmuheb'aal li Yos tinyeechi'i linmayej chi sa sa' inch'ool, tinb'ichanq ut tinwajb'aq sa' xk'ab'a' li Qaawa'.

Salmos 61:8

Chi'awab'ejinq junelik rub'el laawosob'tesihom, chawil rik'in laarahom ut li xtiikilal aach'ool.

Salmos 146:2

Tinnima xloq'al li Qaawa' jo' najtil tinwanq sa' ruuchich'och'; tinb'ichanq cho'q re linYos jo' najtil chik tinyo'yooq.