Jueces 5:20 - Q'eqchi Bible

²⁰ Toj sa' choxa ke'xyal chaq xq'eheb' li chahim; toj sa' li xna'ajeb' ke'yalok rik'in laj Sísara.

Li Santil hu

²⁰ Eb li chahim li cuanqueb saꞌ choxa queꞌpletic. Nak queꞌxbeni ribeb chiru choxa queꞌpletic riqꞌuin laj Sísara.

Jueces 5:20 ပူးပေါင်းရင်းမြစ်များ

Josué 10:11

Ut naq yookeb' chi elelik chiruheb' laj Israel sa' li kub'sink re Bet-Jorón, li Qaawa' kixtaqla chaq naab'al li saqb'ach, chanchan ninqi pek, sa' xb'eeneb' toj chalen sa' xb'ehel Aseká, ut ke'kamk. Jwal naab'aleb' chik li ke'kamk xb'aan li saqb'ach chiru li ke'kamsiik xb'aaneb' laj Israel rik'in ch'iich'.

1 Samuel 7:10

Toj yo laj Samuel chi xyeechi'inkil li xk'atb'il mayej, naq eb' laj Filistea ke'ok chi yalok rik'ineb' laj Israel. Ab'anan kimoqk jun li kaaq taqlanb'il xb'aan li Qaawa' sa' xb'eeneb' laj Filistea; jo'kan naq kichalk xxiweb' ut ke'q'axe'k ru xb'aaneb' laj Israel.

Jueces 4:15

ut li Qaawa' kiroksi xxiweb' laj puub' re laj Sísara, sa' xyanqeb' li xb'eleb'aal ch'iich', chiru laj Barak. Laj Sísara kikub'eek sa' li xb'eleb'aal ch'iich' ut ki'elelik chi roq.

Josué 10:12

Naq li Qaawa' kixq'axtesiheb' laj Amor sa' ruq'eb' laj Israel, laj Josué kiraatina li Qaawa' chiruheb' laj Israel ut kixye re: “At saq'e, xaqlin sa' xb'een Gabahón, ut laa'at, at po, xaqlin sa' xtaq'ahil Ayalón”, chan.

Jueces 5:21

Li nima' Kisón, li najteril roqha' kikelonk reheb'. Kawaq aach'ool, at waanm, b'ehen chi maak'a'aq aaxiw!

Josué 10:10

Li Qaawa' kixk'eheb' chi elelik chiruheb' laj Israel: k'ajo' naq kixsacheb' aran Gabahón! Kixtaaqiheb' sa' li b'e nataqe'k sa' li tenamit Bet-Jorón, ut wankeb' ajwi' ke'kamsiik Aseká ut Makedá.

2 Samuel 18:8

Li yalok kinumtaak yalaq b'ar sa' li na'ajej a'an, ut q'axal naab'aleb' chik li ke'kamk sa' li k'iche' chiruheb' li ke'kamsiik chi ch'iich'.