Jueces 5:15 - Q'eqchi Bible

¹⁵ Eb' li neke'k'amok b'e sa' xyanqeb' laj Isakar wankeb' rik'in lix Débora ut eb' laj Neftalí yookeb' chirix laj Barak sa' li taq'a ru. “Eb' laj Rubén k'ajo' naq ke'xk'uub' xninqal ru na'leb' sa' xyanqeb' li roqha'!

Li Santil hu

¹⁵ Eb li nequeꞌcꞌamoc be saꞌ xya̱nkeb li ralal xcꞌajol laj Isacar queꞌco̱eb rochben lix Débora. Queꞌco̱eb laj Isacar joꞌ nak co̱ laj Barac. Eb li ralal xcꞌajol laj Isacar queꞌxta̱ke laj Barac toj saꞌ li ru takꞌa. Abanan eb li ralal xcꞌajol laj Rubén queꞌchꞌinan xchꞌo̱leb. Incꞌaꞌ queꞌco̱eb chi pletic.

Jueces 5:15 ပူးပေါင်းရင်းမြစ်များ

Jueces 4:14

Toja' naq kixye lix Débora re laj Barak: “Xaqlin, xb'aan naq anaqwan xkutankil naq li Qaawa' tixq'axtesi sa' laawuq' laj Sísara. Li Qaawa' a'an aj k'amol b'e chawu”, chan. Laj Barak kikub'eek chiru li tzuul Tabor ut kitaaqeek xb'aaneb' li lajeeb' mil chi winq,

2 Corintios 11:2

Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Hechos 20:13

Laa'o xb'enwa koowulak sa' li jukub' aran Aso, b'arwi' kiqataw laj Pablo. Jo'ka'in naq kik'uub'aak xb'aan li apóstol, xb'aan naq taaraj xik chi ch'och'el.

Hechos 15:39

K'ajo' naq ke'xch'a'ajki rib'eb'. Jo'kan naq ke'xjach rib'eb': laj Bernabé kixk'am laj Markos chirix ut koho chiru ha' toj Chipre;

Proverbios 22:13

Naq laj q'em ink'a' naraj k'anjelak, naxye: “Wank jun kaqkoj sa' b'e ut naru ninxkamsi”, chan.

1 Crónicas 12:32

Sa' xyanqeb' laj Isakar li xk'ihaleb', a'an lajeek'aal (200) chi aj jolominel, rochb'eeneb' chixjunileb' li wankeb' rub'el xwankileb'. Eb' laj Isakar wankeb' xna'leb' re xnawb'al k'aru us te'xb'aanu eb' laj Israel.

Jueces 4:10

Aran laj Barak kixch'utub'eb' laj Sabulón ut laj Neftalí. Lajeeb' mil chi winq koheb' chirix. Koho ajwi' lix Débora.

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Jueces 5:16

K'a'ut naq katkanaak sa' xna'ajeb' li ketomq chi rab'inkil xyaab' xxolb' eb' laj k'aak'alenel? Sa' xyanqeb' li roqha', xninqal ru na'leb' ke'xk'uub'.

Génesis 35:23

Eb' li ralal xk'ajol laj Jakob kab'lajuheb'. A'aneb' a'in li ralal li kiwank rik'in lix Liiy: laj Rubén, a' li xb'een ralal laj Jakob; laj Simehón, laj Leví, laj Judá, laj Isakar ut laj Sabulón.