Jueces 4:6 - Q'eqchi Bible

⁶ Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Li Santil hu

⁶ Saꞌ jun li cutan lix Débora quixtakla xbokbal laj Barac li ralal laj Abinoam li cuan saꞌ li tenamit Cedes li cuanqueb cuiꞌ li ralal xcꞌajol laj Neftalí, ut quixye re: —Li Ka̱cuaꞌ lix Dios eb laj Israel xye a̱cue chi joꞌcaꞌin, “Ta̱chꞌutubeb ru laje̱b mil chi cui̱nk xcomoneb li ralal xcꞌajol laj Neftalí ut laj Zabulón ut texxic saꞌ li tzu̱l Tabor.

Jueces 4:6 ပူးပေါင်းရင်းမြစ်များ

Hebreos 11:32

Ut k'a' chik ru tinye? Xb'aan naq ink'a' raj taatz'aqloq we li kutan, wi tinseeraq'iq chirix laj Jedehón, laj Barak, laj Sansón, laj Jefté, laj David, laj Samuel ut eb' li propeet.

Hechos 13:47

Xb'aan naq jo'kan kooxtaqla wi' chaq li Qaawa' naq kixye: «Xatinxaqab' cho'q xkutaneb' li tenamit re naq tatkanaaq cho'q kolb'a ib' toj sa' xmaril li ruuchich'och'».

Jueces 8:18

Chirix chik a'an kixye re laj Sébaj ut laj Salmuná: “Chan neke'ilok eb' li winq li xekamsiheb' aran Tabor?”, chan reheb'. Ke'xsume: “Chanchaneb' laa'at neke'ilok. Chanchaneb' li ralal awab'ej chixjunileb'”, chankeb'.

Josué 19:37

Kadés, Edreí, En-Jasor,

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Jeremías 46:18

Laa'in li Qaawa', li Nimajwal Yos, li xnimal ru Awab'ej. Laa'in li yo'yookil Yos. Kama' li tzuul Tabor najt xteram sa' xyanqeb' li tzuul ut li tzuul Karmeel nawakliik sa' xb'een li palaw, jo'kanaq li xmetz'ew li winq taachalq sa' eeb'een.

Salmos 89:12

Aawe li choxach'och'; jo'ch'inal jo'nimal wank chisa' laa'at xatk'ojob'ank sa' xna'aj.

Salmos 7:6

chinraanilasiiq li xik' na'ilok we, chinxchapaq, chinxyeq'iiq sa' ch'och' ut chixtolk'osi sa' pojtz' linloq'al.

1 Samuel 10:3

Toj najt chik chirix a'an, naq tatwulaq wan wi' li ji re Tabor, taak'uleb' oxib' chi winq yookeb' chi taqe'k, re xloq'oninkil li Yos aran Betel. Li jun yooq xk'amb'al oxib' chi kok' chib'aat, li jun chik yooq xk'amb'al oxib' chi k'uluj, ut li rox jun kuk chi b'iin.

Jueces 5:1

Sa' li kutan a'an lix Débora ut laj Barak, ralal laj Abinohán, ke'xb'icha li b'ich a'in:

Jueces 4:10

Aran laj Barak kixch'utub'eb' laj Sabulón ut laj Neftalí. Lajeeb' mil chi winq koheb' chirix. Koho ajwi' lix Débora.

Josué 21:32

Sa' xteepal Neftalí, kik'ehe'k cho'q na'ajej te'xkol wi' rib' eb' laj kamsinel ras riitz'in, Kadés re Galilea rochb'een xk'aleb'aaleb', Jamot-Dor rochb'een xk'aleb'aaleb', Rakat rochb'een xk'aleb'aaleb': oxib' chi tenamit.

Josué 19:32

Li xwaq na'ajej b'uulinb'il rix ke'reechani li ralal xk'ajol laj Neftalí, chi ch'uutal.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Josué 19:22

Li xnub'ajl nawulak toj Tabor, Sajasín ut Bet-Semes, ut nokoxraqe'q sa' li nima' Jordán: waqlaju chi tenamit rochb'eeneb' xk'aleb'aaleb'.

Jueces 6:35

Kixtaqlaheb' ajwi' aj esil re xb'oqb'al chixjunileb' laj Manasés, re naq te'xjunaji rib' rik'in. Chirix chik a'an kixb'oqeb' laj Aser, eb' laj Sabulón ut laj Neftalí, li ke'chalk ut ke'xjunaji rib' rik'in.

1 Samuel 12:11

“Ut li Qaawa' kixtaqla laj Yerubahal, laj Bedán, laj Jefté ut laj Samuel re eekolb'al chiruheb' li xik' neke'ilok eere, ut chi jo'kan kexwank sa' tuqtuukilal.

Josué 19:35

Ut eb' li tenamit suttz'akinkileb' li ke'k'ehe'k reheb' laj Neftalí, a'aneb' a'in: Sidín, Ser, Jamat, Rakat, Kinéret,

Salmos 89:13

Laa'at xatk'uub'ank re li releb'l iq' ut li rokeb'l; li tzuul Tabor ut Hermón neke'saho'k xch'ool aawik'in.