Jueces 4:3 - Q'eqchi Bible

³ Laj Jabín wank o'k'aal rox o'q'ob' (900) xb'eleb'aal ch'iich' ut k'ajo' naq kixrahob'tesiheb' laj Israel chiru junmay chihab'. Jo'kan naq eb' laj Israel ke'xtz'aama xtenq'ankileb' chiru li Qaawa'.

Li Santil hu

³ Li rey Jabín cuan bele̱b ciento lix carruaje re pletic yi̱banbil riqꞌuin chꞌi̱chꞌ. Cꞌajoꞌ li raylal yo̱ chixba̱nunquil reheb laj Israel ut kꞌaxal cau quitaklan saꞌ xbe̱neb chiru junmay chihab. Xban li raylal li yo̱queb chixcꞌulbal, eb laj Israel queꞌxtzꞌa̱ma xtenkꞌanquil chiru li Ka̱cuaꞌ Dios.

Jueces 4:3 ပူးပေါင်းရင်းမြစ်များ

Jueces 1:19

Ab'anan us ta li Qaawa' wank rik'ineb' laj Judá li ke'eechanink re li tzuul, ink'a' ke'ruuk risinkileb' li wankeb' sa' li taq'a ru, xb'aan naq eb' a'in wankeb' xb'eleb'aal ch'iich'.

Salmos 106:42

Ke'rahob'tesiik xb'aaneb' li xik' neke'ilok reheb', ut ke'kanaak chi maak'a' chik xkawilaleb'.

Jueces 3:9

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj k'amol b'e re taakoloq reheb' chiruheb' li xik' neke'ilok reheb': a' laj Otoniel, ralal laj Kenás ut riitz'in laj Kaleb.

Salmos 78:34

Naq yook xkamsinkileb', ke'xsik' li Yos, ke'sutq'iik wi' chik rik'in ut ke'xk'e xch'ooleb' chirix.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

1 Samuel 7:8

ut ke'xye re laj Samuel: “Maakanab' tijok chiru li Qaawa' li qaYos, re naq tooxkol sa' ruq'eb' laj Filistea”.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.

Jueces 3:15

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj kolonel: laj Ehud, ralal laj Kerá, aj Benjamín, a'an jun li winq sik li xnim uq'. Sa' jun kutan eb' laj Israel ke'ab'enak chirix, re naq a'an tk'amoq re li tojleb' re laj Eklón, awab'ej re Mohab.

Josué 17:16

Ke'chaq'ok eb' li ralal laj José ut ke'xye: “Yaal ajwi'. Moko tz'aqal ta li k'iche' cho'q qe. Ab'an sa' li ru taq'a chixjunileb' laj Kanahán wankeb' xb'eleb'aal ch'iich' re yalok, yiib'anb'ileb' rik'in ch'iich': eb' laj Kanahán li wankeb' Betsán ut sa' li xsutam, jo' ajwi' eb' li wankeb' sa' xtaq'ahil Jisrehel”, chankeb'.

Deuteronomio 28:33

Li ru rawimq laach'och' ut chixjunil li aatawasihom wi' aawib', te'xtzeka jun tenamit li ink'a' nakanaw ruheb'. Tawasinb'ilaqat ut taqlanb'ilaqat chi kaw chiru chixjunil laayu'am,

Deuteronomio 28:29

tatb'eeq chi yal taamaayusi aj chik laab'e tuqtu wa'leb' re li kutan, kama' li mutz' yal naxmaayusi li xb'e sa' q'oqyink, ut moko tatwulaq ta b'arwi' xik taawaj. Wanqat chi yal k'uul aj chik aawu ut maq'b'ilaq chixjunil li k'aru aawe chiru chixjunil laayu'am, chi maajun taakoloq malaj taatenq'anq aawe.

Jueces 4:4

Sa'eb' li kutan a'an yo chi k'amok b'e sa' xyanqeb' laj Israel jun li ixq propeet, xDébora xk'ab'a', rixaqil laj Lapidot.

Jueces 4:13

kixch'utub' chixjunileb' li xb'eleb'aal ch'iich' ut eb' laj puub', ut rochb'eeneb' ke'elk aran Jaróset-Hakohín ut koheb' wan wi' li nima' Kisón.

Éxodo 2:23

K'iila kutan chik xnumik a'an kikamk li awab'ej re Ejiipt. Japjookeb' re chi yaab'ak ut chi q'oqonk eb' laj Israel xb'aan li xnimal rahilal yookeb' chi xk'ulb'al aran naq wankeb' chi munil, ut li xq'oqeb' kitaqe'k toj rik'in li Yos.

Jueces 6:6

Chi jo'kan q'axal ke'neb'a'o'k laj Israel, ut ke'xyaab'a xk'ab'a' li Qaawa'.

Jueces 10:10

Toja' naq ke'xyaab'a xk'ab'a' li Qaawa' ut ke'xye re: “At Qaawa', at qaYos, xoomaakob'k chawu, xb'aan naq xatqatz'eqtaana re xloq'oninkileb' laj Bahal”, chankeb'.