Jueces 4:11 - Q'eqchi Bible

¹¹ Nach' rik'in Kadés, chi xk'atq li xji laj Sahananín, wank li xmuheb'aal laj Jéber aj Ken, laj hi' re laj Moisés. A'an ak xjek'om rib' rik'in li xteepal laj Kaín ut li xch'uutal eb' laj Jobab.

Li Santil hu

¹¹ Quicuan jun li cui̱nk aj Heber xcꞌabaꞌ. Aꞌan xcomoneb li ralal xcꞌajol laj Hobab, lix yucuaꞌ li rixakil laj Moisés. Saꞌ jun li cutan laj Heber quixcanabeb lix comon ut qui-el saꞌ li tenamit Ceneo. Coxyi̱b lix muheba̱l rubel jun to̱n li ji saꞌ li ru takꞌa Zaanaim nachꞌ riqꞌuin li naꞌajej Cedes.

Jueces 4:11 ပူးပေါင်းရင်းမြစ်များ

Jueces 1:16

Eb' li ralal xk'ajol laj Jobab laj Ken, aj hi' re laj Moisés, ke'elk chaq sa' li xTenamitul li kala' ut, rochb'eeneb' laj Judá, koheb' sa' li chaqich'och' re Judá, li wank aran Nejeb re Arad, ut koxe'kanaaq sa' xyanqeb' li wankeb' aran.

Josué 19:33

Li xnub'ajl na'elk Jélef ut wan wi' xJihul Sahananín jo'wi' Adamí-Janékeb, Yabnel, Lakún ut nokox'elq sa' li nima' Jordán.

Números 10:29

Sa' jun kutan laj Moisés kixye re laj Jobab li xb'alk, ralal laj Rewel, aj Madián: “Laa'o xik qe sa' li na'ajej kixyeechi'i qe li Qaawa'. Kim chiqix ut sa tatwanq sa' qayanq, xb'aan naq li Qaawa' kixye naq sa te'wanq laj Israel”, chan.

Josué 19:37

Kadés, Edreí, En-Jasor,

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Jueces 4:6

Sa' jun kutan lix Débora kixtaqla xb'oqb'al laj Barak, ralal laj Abinohán, li wank rochoch aran Kadés re Neftalí, ut kixye re: “Ma ink'a' tab'i' li Qaawa', xYos eb' laj Israel, xye a'in aawe: «Ayu sa' li tzuul Tabor ut ch'utub'eb' lajeeb' mil chi winq sa' xyanqeb' laj Neftalí ut laj Sabulón.

Números 24:21

Kirileb' laj Ken ut ki'aatinak wi' chik jo' propeet; kixye chi jo'ka'in: “Kaw k'ojk'o laamuheb'aal, a Kaín; xatkab'lak sa' li saqoonak.

Éxodo 18:1

Laj Jetró, aj tij sa' li tenamit Madián ut aj hi'om re laj Moisés, kirab'i resil li kilajxb'aanu li Yos cho'q re laj Moisés jo'wi' cho'q reheb' laj Israel li xtenamit. Kirab'i ajwi' chanru kirisiheb' chaq laj Israel aran Ejiipt.

Éxodo 2:18

Naq ke'sutq'iik wan wi' laj Rewel, li xyuwa'eb', a'in kixye reheb': “K'a'ut naq xexsutq'iik chaq chi junpaat chiru li kutan a'in?”.

Jueces 4:12

Naq laj Sísara kirab'i resil naq laj Barak, ralal laj Abinohán, ak xtaqe'k chaq sa' xb'een li tzuul Tabor,

1 Samuel 15:6

ut kixye reheb' laj Ken: “Elenqex, jek'omaq eerib' rik'ineb' laj Amalek, re naq ink'a' texinsach rochb'eeneb' a'an, xb'aan naq usilal xeb'aanu reheb' chixjunil laj Israel naq yookeb' chaq chi taqe'k Ejiipt”, chan. Ut eb' laj Ken ke'elk sa' xyanqeb' laj Amalek.

1 Samuel 27:10

Ut laj Akis naxpatz' reheb': “B'ar xexwulak chi sachok sa' li kutan a'in?”, chan; ut laj David naxsume: “Xoowulak Nejeb re Judá”, malaj: “Xoowulak Nejeb re Jerajmehel”, malaj: “Xoowulak Nejeb reheb' laj Ken”, chan.

Números 10:32

Wi tatxik chiqix, tattz'aqonq sa' li sahilal toorusila wi' li Qaawa'”, chan laj Moisés.