Jueces 3:8 - Q'eqchi Bible

⁸ Jo'kan naq li Qaawa' kichalk xjosq'il sa' xb'eeneb' laj Israel ut kixq'axtesiheb' sa' ruq' laj Kusán Risatáhin, awab'ej re Edom, ut ke'k'anjelak waqxaqib' chihab' chiru li awab'ej a'an.

Li Santil hu

⁸ Xban li ma̱usilal queꞌxba̱nu, cꞌajoꞌ nak quijoskꞌoꞌ li Dios saꞌ xbe̱neb ut quixcanabeb saꞌ rukꞌeb laj Cusan-risataim, lix reyeb laj Mesopotamia. Joꞌcan nak eb laj Israel queꞌcuan rubel xtakl li rey aꞌan chiru cuakxakib chihab.

Jueces 3:8 ပူးပေါင်းရင်းမြစ်များ

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Habacuc 3:7

Xwil li xrahil xch'ooleb' laj Kusán, neke'hiich'ank sa' xna'aj eb' li xmuheb'aaleb' laj Madián.

Jueces 4:9

“Us b'i', tinxik chawix -chan lix Débora-. Ka'jan, maawa' laa'at taak'ehe'q aaloq'al sa' li nimla yalok tiklaak re anaqwan, xb'aan naq li Qaawa' tixq'axtesi laj Sísara sa' ruq' jun li ixq”. Toja' naq kixaqliik lix Débora ut koho rochb'een laj Barak aran Kadés.

Romanos 7:14

Naqanaw naq li Chaq'rab' a'an musiq'anb'il xb'aan li Yos, ut laa'in yal winqin, k'ayinb'ilin cho'q xmoos li maak.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Salmos 85:3

Xakuy xmaakeb' laatenamit ut xasach chi junajwa chixjunil li kimaakob'k wi'.

Salmos 6:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

1 Samuel 12:9

A'ut eb' a'an ke'sachk sa' xch'ool li Qaawa' li xYoseb', jo'kan naq A'an kixq'axtesiheb' sa' ruq' laj Sísara, xjolomileb' laj puub' re laj Jasor, jo' ajwi' sa' ruq'eb' laj Filistea ut li awab'ej re Mohab, li ke'yalok rik'ineb'.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Deuteronomio 29:20

Li Qaawa' moko taaraj ta xkuyb'al li xmaak, taajosq'o'q b'an ut taaraho'q xch'ool chirix li winq a'an; chixjunil li rahilal tz'iib'anb'il sa' li hu a'in taanaq sa' xb'een li winq a'an ut li Qaawa' tixsach li xk'ab'a' chi junajwa yalaq b'ar sa' ruuchich'och'.

Éxodo 22:24

Toja' naq taachalq chi junpaat linjosq'il ut texinkamsi chi ch'iich': leerixaqil xmalka'an chik te'kanaaq, ut leekok'al te'kanaaq chi maak'a' chik xyuwa'eb'.

Jueces 3:7

Eb' laj Israel ke'xb'aanu li k'aru ink'a' nawulak chiru li Qaawa', xb'aan naq kisachk sa' xch'ooleb' li Qaawa' li xYoseb', ut a' chik eb' laj Bahal ut lix Aserá ke'xloq'oni ru.

Jueces 3:9

Toja' naq eb' laj Israel ke'xyaab'a xk'ab'a' li Qaawa' ut A'an kixwaklesi jun aj k'amol b'e re taakoloq reheb' chiruheb' li xik' neke'ilok reheb': a' laj Otoniel, ralal laj Kenás ut riitz'in laj Kaleb.

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Salmos 44:12

Xoohaaq'axtesi chi kamk jo' na'uxk reheb' li karneer, ut xoohaacha'cha'i sa'atqeb' chixjunil li tenamit.

Salmos 129:1

B'ich re li taqsink. K'ajo' naq kine'xrahob'tesi chalen chaq sa' linsaajilal -che'xyehaq eb' laj Israel anaqwan-,

Génesis 24:10

Laj k'anjel a'an kixchap lajeeb' xkameey jo' ajwi' li k'a'aq re ru chaab'il wank re laj eechal re, ut koho sa' xb'ehil Aram-Naharáhin, sa' li tenamit Najor.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Salmos 106:41

Kixq'axtesiheb' sa' ruq'eb' li poyanam, ut kixk'eheb' rub'el xwankil li neke'tz'eqtaanank reheb'.