Jueces 3:12 - Q'eqchi Bible

¹² Eb' laj Israel ke'xb'aanu wi' chik li ink'a' nawulak chiru li Qaawa'; jo'kan naq li Qaawa' kixnimob'resi xwankil laj Eklón, awab'ej re Mohab, sa' xb'eeneb' laj Israel, xb'aan naq ke'xb'aanu li ink'a' nawulak chiru li Qaawa'.

Li Santil hu

¹² Queꞌma̱cob cuiꞌchic chiru li Ka̱cuaꞌ eb laj Israel. Joꞌcan nak li Ka̱cuaꞌ quixqꞌue xmetzꞌe̱u laj Eglón chi numta̱c saꞌ xbe̱neb. Laj Eglón, aꞌan lix reyeb laj Moab. Kꞌaxal cau rib laj Eglón chiruheb laj Israel.

Jueces 3:12 ပူးပေါင်းရင်းမြစ်များ

1 Samuel 12:9

A'ut eb' a'an ke'sachk sa' xch'ool li Qaawa' li xYoseb', jo'kan naq A'an kixq'axtesiheb' sa' ruq' laj Sísara, xjolomileb' laj puub' re laj Jasor, jo' ajwi' sa' ruq'eb' laj Filistea ut li awab'ej re Mohab, li ke'yalok rik'ineb'.

Jueces 2:19

Ab'an naq nakamk laj k'amol b'e, eb' laj Israel neke't'ane'k wi' chik sa' li maak, ut q'axal wi' chik yib'ru neke'xb'aanu chiruheb' li xna' xyuwa'eb': neke'xik chirixeb' li jalanil yos, neke'xloq'oni ut neke'xwiq'ib' rib' chiruheb'. Tik ink'a' neke'raj xkanab'ankil li xna'leb'eb' li xna' xyuwa'eb' chi moko li xmaa'usilaleb'.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Oseas 6:4

“K'aru tinb'aanu aawe, a Efraín? K'aru tinb'aanu aawe, a Judá? Linraab'al nekeye, a'an jo' li choql toj eq'la, jo' li xchu'ke li sa' junpaat nanume'k xb'aan li iq'.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Isaías 37:26

Ma xawab'i chi us? Ak ink'uub'ahom chaq a'in chalen junxil; chalen chaq q'e kutan inkawresihom chaq, ut anaqwan yookin chi xb'aanunkil. Jo'kan naq laa'at xatsachok ruheb' li tenamit ut po'lem xakanab'eb' li kaw sutinb'ileb' chi tz'ak.

Isaías 10:15

Ma nim tab'i' xwankil li maal chiru li nach'e'ok re? Ma nanumtaak tab'i' li setleb' che' chiru li na'eek'asink re? Chanchan tawi' naq li xuq' nataqlank sa' xb'een li nach'e'ok re, kama' tawi' naq li che' na'eek'asink re li winq.

2 Reyes 5:1

Laj Nahamán, xyuwa'ileb' laj puub' re li awab'ej re Aram, a'an jun li winq nawno ru chi us ut jwal raaro xb'aan li awab'ej, xb'aan naq sa' xk'ab'a' a'an li Qaawa' kixk'eheb' laj Aram chi numtaak sa' xb'eeneb' li xik' neke'ilok reheb'. Ab'anan li xnimal ru winq a'an yaj xb'aan li saqlepil.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Jueces 2:11

Eb' laj Israel ke'xb'aanu li k'aru ink'a' nawulak chiru li Qaawa': ke'ok chi xloq'oninkileb' laj Bahal.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Jueces 3:11

Chiru ka'k'aal chihab' li tenamit kiwank sa' tuqtuukilal. Chirix chik a'an kikamk laj Otoniel, ralal laj Kenás.