Jueces 21:7 - Q'eqchi Bible

⁷ K'aru tqab'aanu re xk'eeb'al rixaqileb' laj Benjamín li xe'kanaak? Xb'aan naq laa'o xqaye sa' xk'ab'a' li Qaawa' naq ink'a' tqasumub' li qarab'in rik'ineb'.

Li Santil hu

⁷ ¿Cꞌaꞌru takaba̱nu re nak teꞌcua̱nk rixakileb li ralal xcꞌajol laj Benjamín li toj yoꞌyo̱queb? La̱o ac xkaba̱nu li juramento nak incꞌaꞌ takasumub li karabin riqꞌuineb, chanqueb.

Jueces 21:7 ပူးပေါင်းရင်းမြစ်များ

Jueces 21:1

Eb' laj Israel ke'xye sa' jurament aran Mispá naq ink'a' te'xk'e li xrab'ineb' chi sumlaak rik'ineb' laj Benjamín.

1 Samuel 14:45

Ab'an eb' li tenamit ke'xye re laj Saúl: “Ma us naq taakamq laj Jonatán, a' li xkolok qe laa'o aj Israel? Maajoq'e taak'ulmanq a'an! Sa' xk'ab'a' li yo'yookil Yos naqaye naq maajun rismal li xjolom taat'ane'q sa' ch'och'. Li k'aru xb'aanu anaqwan, rik'in xtenq'aal li Yos xb'aanu”, chankeb'. Jo'ka'in naq eb' li tenamit ke'xkol laj Jonatán, ut ink'a' kikamk.

Jueces 21:18

Ab'an laa'o ink'a' naru tqak'eheb' li qarab'in cho'q rixaqileb', xb'aan naq chiqajunilo laa'o aj Israel xqaye sa' jurament naq tz'eqtaananb'ilaqeb' li te'xk'e xrab'ineb' cho'q rixaqileb' laj Benjamín”.

Jueces 21:6

Raheb' sa' xch'ool eb' laj Israel xb'aan chixjunil li ke'xk'ul laj Benjamín rech aj Israelil, ut yookeb' xyeeb'al: “Sa' li kutan a'in xtochmank jun xteepal laj Israel.

Jueces 21:8

Ma wankeb' arin, sa' xyanqeb' laj Israel, li ink'a' xe'taqe'k Mispá chiru li Qaawa'?”. Ut ke'xk'e reetal naq maajun reheb' laj Yabés re Galahad kiwulak sa' li loq'laj ch'utam,

Jueces 21:22

Wi eb' li xna' xyuwa'eb' malaj li ras riitz'ineb' te'chalq chi jitok qik'in, tqaye reheb': «B'aanuhomaq usilal, kuyumaqeb' xmaak, xb'aan naq ink'a' xoruuk xtawb'al rixaqileb' chixjunil naq xooyalok, chi moko laa'ex xexk'ehok reheb'. Wi ta jo'kan, laa'ex raj wank eemaak»”.