Jueces 21:1 - Q'eqchi Bible

¹ Eb' laj Israel ke'xye sa' jurament aran Mispá naq ink'a' te'xk'e li xrab'ineb' chi sumlaak rik'ineb' laj Benjamín.

Li Santil hu

¹ Eb li ralal xcꞌajol laj Israel queꞌxba̱nu jun li juramento aran Mizpa ut queꞌxye nak ma̱ jun reheb teꞌxsumub lix rabineb riqꞌuineb li ralal xcꞌajol laj Benjamín.

Jueces 21:1 ပူးပေါင်းရင်းမြစ်များ

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

San Marcos 6:23

Ut kixye rik'in jurament: —Jo'ch'inal jo'nimal li taapatz' we, tink'e aawe, us ta a'an li xyiijachil li tenamit li wank rub'el linwankil.

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

Eclesiastés 5:2

Ma yal aaseeb'a aawib' chi aatinak malaj chi k'oxlak naq wankat chiru li Qaawa', xb'aan naq li Yos wank sa' choxa ut laa'at sa' ruuchich'och'. K'oxla chi us li k'aru ok aawe chi xyeeb'al.

Jueces 21:18

Ab'an laa'o ink'a' naru tqak'eheb' li qarab'in cho'q rixaqileb', xb'aan naq chiqajunilo laa'o aj Israel xqaye sa' jurament naq tz'eqtaananb'ilaqeb' li te'xk'e xrab'ineb' cho'q rixaqileb' laj Benjamín”.

Jueces 20:8

Chixjunil li tenamit jo' jun chi winq naq ke'xaqliik chi xyeeb'al: “Maajun qe laa'o taaxik sa' li xmuheb'aal, maajun taasutq'iiq sa' rochoch.

Romanos 10:2

Ninch'olob' xyaalal chirixeb' naq q'axal neke'x'oxloq'i li Yos, ab'anan moko jo' ta tz'aqal naraj li paab'ank.

Jeremías 4:2

wi taaye aajurament sa' xk'ab'a' li Qaawa' rik'in li yaal, li tiikilal ut tiikil ch'oolej, sa' xk'ab'a' a'an osob'tesinb'ilaqeb' chixjunil li tenamit ut te'nimaaq xloq'al chi junelik”.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

Jueces 21:7

K'aru tqab'aanu re xk'eeb'al rixaqileb' laj Benjamín li xe'kanaak? Xb'aan naq laa'o xqaye sa' xk'ab'a' li Qaawa' naq ink'a' tqasumub' li qarab'in rik'ineb'.

Jueces 21:5

Ke'xye chirib'ileb' rib': “Ani sa' xyanqeb' chixjunileb' li xteepal laj Israel ink'a' xwulak Mispá, naq xqach'utub' qib' sa' xk'ab'a' li Qaawa'?”. Xb'aan naq ak yeeb'il sa' jurament naq te'kamsiiq li ink'a' te'wulaq sa' li loq'laj ch'utam.

Jueces 20:10

ut tqisi lajeetq sa' xyanq chixjunileb' li xteepal laj Israel; chirix chik a'an tqasik' ru junjunq sa' xyanqeb' li b'uulinb'ileb' rix. Tqisi lajeetq sa' xyanq o'k'aal, o'k'aal sa' xyanq lajeek'aal rox o'q'ob' ut lajeek'aal rox o'q'ob' sa' xyanq lajeeb' mil, re naq toxe'xsik' xtzekemq eb' laj puub'. Ut eb' li junch'ol chik te'xik Kibehá re xk'eeb'al reeqaj li maa'usilal xe'xb'aanu re Israel”.

Jueces 20:48

Moqon chik eb' laj Israel koheb' sa' xb'eeneb' li junch'ol chik ut ke'xkamsiheb' chi ch'iich' chixjunileb' li xwinqilal li tenamit, chixjunil li ketomq ut jo'ch'inal jo'nimal ke'xtaw. Kilaje'xk'at ajwi' chixjunileb' li tenamit ke'nume'k wi'.

Jueces 21:22

Wi eb' li xna' xyuwa'eb' malaj li ras riitz'ineb' te'chalq chi jitok qik'in, tqaye reheb': «B'aanuhomaq usilal, kuyumaqeb' xmaak, xb'aan naq ink'a' xoruuk xtawb'al rixaqileb' chixjunil naq xooyalok, chi moko laa'ex xexk'ehok reheb'. Wi ta jo'kan, laa'ex raj wank eemaak»”.

Jeremías 40:6

Ut laj Jeremías koho sa' rochoch laj Kedalías, ralal laj Ajikán, aran Mispá, ut aran kina'ajunk sa' xyanqeb' li poyanam li ke'kanaak sa' xteepal Judá.