Jueces 20:6 - Q'eqchi Bible

⁶ Toja' naq xinchap li kamenaq, xinseti ut xintaqla sa' xteepal chixjunil Israel, xb'aan naq xutaanal ut yib'eetal ru li xk'ulmank Israel.

Li Santil hu

⁶ Joꞌcan nak la̱in xinseti li camenak ut xintakla saꞌ le̱ tenamit re nak te̱nau nak arin Israel xcuan camsi̱nc ut xcuan ma̱usilal.

Jueces 20:6 ပူးပေါင်းရင်းမြစ်များ

Jueces 19:29

Naq kiwulak sa' rochoch, kixxok jun xch'iich', kixchap li ixq ut kixseti: kab'laju jachal ki'elk! Ut kixtaqla xtib'el li kamenaq sa' chixjunil xteepal Israel.

Jueces 19:23

Ab'an laj eechal ochoch kichalk wankeb' wi' ut kixye reheb': “Ink'a', ex was wiitz'in; meeb'aanu li ink'a' us. Li winq a'in wula': meeb'aanu li maa'usilal a'an.

Josué 7:15

Ut li winq li xxokok re li k'aru tento raj xsachmank, taak'ate'q rochb'een chixjunil li k'aru wank re, xb'aan naq xq'et li xSumwank li Qaawa' ut xb'aanu li ink'a' us sa' xyanqeb' laj Israel, chan li Qaawa'.

Génesis 34:7

Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!

Jueces 20:10

ut tqisi lajeetq sa' xyanq chixjunileb' li xteepal laj Israel; chirix chik a'an tqasik' ru junjunq sa' xyanqeb' li b'uulinb'ileb' rix. Tqisi lajeetq sa' xyanq o'k'aal, o'k'aal sa' xyanq lajeek'aal rox o'q'ob' ut lajeek'aal rox o'q'ob' sa' xyanq lajeeb' mil, re naq toxe'xsik' xtzekemq eb' laj puub'. Ut eb' li junch'ol chik te'xik Kibehá re xk'eeb'al reeqaj li maa'usilal xe'xb'aanu re Israel”.

Levítico 18:24

“Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

Levítico 18:30

Jo'kan b'i' paab'omaq linchaq'rab' ut mext'ane'k sa' li yib' aj b'aanuhom li xb'aanumank xb'enwa cheru laa'ex, chi moko chetz'ajni eerib' rik'in a'an. Laa'in li Qaawa' leeYos”.

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.