Jueces 20:13 - Q'eqchi Bible

¹³ Anaqwan ajwi' q'axtesihomaqeb' sa' quq' li maa'us aj winqeb' a'an li wankeb' Kibehá, re naq te'qakamsi ut chisachq chi junajwa li maa'usilal sa' li tenamit Israel”. Ab'anan eb' laj Benjamín ink'a' ke'raj rab'inkileb' li rech aj Israelil,

Li Santil hu

¹³ Kꞌaxtesihomakeb saꞌ kukꞌ eb li cui̱nk aj Gabaa, li xeꞌxba̱nu li ma̱usilal. Takacamsiheb re nak ta̱e̱lk li ma̱usilal saꞌ li katenamit Israel, chanqueb. Abanan eb li ralal xcꞌajol laj Benjamín incꞌaꞌ queꞌraj rabinquil li cꞌaꞌru queꞌxye li rech aj Israelil.

Jueces 20:13 ပူးပေါင်းရင်းမြစ်များ

Jueces 19:22

Naq yook xsahilal sa' xch'ooleb', wankeb' winq ink'a' useb' xna'leb', ke'xsut li ochoch, ke'xtenteni re li okeb'aal ut ke'xye re li cheekel winq, laj eechal ochoch: “Isi chaq li winq li x'ok sa' laawochoch. Tqaj toowarq rik'in!”, chankeb'.

Deuteronomio 17:12

Ut wi junaq winq naxjipi rib' ut ink'a' tixpaab' laj tij li wan chaq aran chi k'anjelak chiru li Qaawa' laaYos malaj ut laj raqol aatin, li winq a'an taakamsiiq. Chi jo'kan taasach li ink'a' us sa' xyanqeb' laj Israel,

Deuteronomio 13:13

wankeb' winq li ink'a' useb' xch'ool, yo'lajenaqeb' sa' eeyanq li xe'xb'alaq'i li rech tenamitul rik'in xyeeb'al: «Qaloq'oniiq ruheb' li jalanil yos», li ink'a' eenawom ru laa'ex,

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

Oseas 10:9

“Chalen chaq Kibehá yookeb' chi maakob'k eb' laj Israel; tik ink'a' neke'xkanab' xb'aanunkil. Jo'kan naq eb' a maa'us aj winq a'in te'oso'q aran Kibehá.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.

Eclesiastés 11:10

Najtob'resihomaq eerib' rik'in li ookel k'a'uxl ut isihomaq li rahilal sa' leech'ool, xb'aan naq eb' li sahil kutan sa' leesaajilal te'raqe'q sa' junpaat chi maak'a' rajb'al.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

2 Crónicas 25:20

Ab'an laj Amasías ink'a' kixpaab', xb'aan naq ak k'uub'k'u xb'aan li Yos xq'axtesinkileb' sa' ruq'eb' li xik' neke'ilok re, xmaak xloq'oninkil ru li xyoseb' laj Edom.

2 Crónicas 25:16

Toj yo ajwi' chi aatinak li propeet naq laj Amasías kixye re: “Ma xate'xxaqab' tab'i' cho'q aj k'ehol xna'leb' li awab'ej? Kanab' aatinak. Malaj taawaj naq tate'xkamsi?”. Ut li propeet kixye: “Laa'in ninnaw naq li Qaawa' xk'uub' xsachb'al aawu, xb'aan naq xab'aanu li ink'a' us ut ink'a' nakawaj rab'inkil li xinye aawe”. Ut kixkanab' aatinak.

2 Crónicas 13:7

Ut rik'in laj Jerobohán ke'xch'utub' rib' naab'aleb' li ink'a' useb' xna'leb' ut aj q'emeb', li ke'numtaak sa' xb'een laj Robohán, ralal laj Salomón, xb'aan naq toj saaj ut q'un xch'ool chi taqlank; jo'kan naq ink'a' kiruuk chi xkolb'al rib' chiruheb'.

1 Reyes 21:13

Toja' naq li wiib'eb' li ink'a' useb' xna'leb' ke'xchunub' rib' chiru laj Nabot re xjitb'al ut ke'xye chi jo'ka'in: “Laj Nabot xmajewa li Qaawa' ut li awab'ej”, chankeb'. Tikto ke'risi laj Nabot chirix li tenamit ut ke'xteni chi pek toj reetal kikamk.

2 Samuel 23:6

Ab'anan chixjunileb' li ink'a' useb' xna'leb' kama'eb' li k'ix sa' li chaqich'och': maa'ani nach'e'ok re rik'in li ruq'.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

1 Samuel 30:22

Ab'anan wankeb' ink'a' useb' xna'leb' sa' xyanqeb' li koheb' chirix laj David; ke'ok chi choqink ut ke'xye: “Eb' a'an ink'a' xkoheb' chiqix. Jo'kan naq ink'a' taak'eemanq reheb' li k'aru xqeechani chaq. Ka'ajwi' li rixaqileb' ut li xkok'aleb' te'xk'ul kach'inaq reheb'. Xk'amaqeb' ut xikaqeb'”, chankeb'.

1 Samuel 2:25

Wi junaq poyanam namaakob'k chiru li ras riitz'in, li Yos truuq taa'okenq chirix. Ab'anan wi namaakob'k chiru li Qaawa', ani taa'okenq chirix?”. A'ut eb' a'an ink'a' ke'ab'ink chiru li xyuwa'eb', xb'aan naq ak wank sa' xch'ool li Qaawa' naq tento te'kamq.

Deuteronomio 24:7

“Wi junaq winq taarelq'a li ras riitz'in rech aj Israelil ut tixk'e cho'q xmun malaj ut tixk'ayi, laj elq' a'an tento taakamq, re naq taasachq chi junajwa li ink'a' us sa' eeyanq.

Deuteronomio 22:24

te'isiiq chi xkab'ichaleb', te'k'ame'q toj sa' xmaril li tenamit ut te'teniiq chi pek toj reetal te'kamq: li tuq'ixq, xb'aan naq ink'a' xpatz' xtenq'ankil sa' li tenamit, ut li winq, xb'aan naq xmux li rixaqil li ras riitz'in. Chi jo'ka'in taawisi li ink'a' us sa' eeyanq.

Deuteronomio 22:21

taa'isiiq li ixq chire rochoch li xyuwa' ut taateniiq chi pek xb'aaneb' li winq wankeb' sa' li tenamit, toj reetal taakamq, xb'aan naq xutaanal li xb'aanu arin Israel: xb'aanu li maa'usilal sa' rochoch li xyuwa'. Chi jo'ka'in taawisi li ink'a' us sa' eeyanq.

Deuteronomio 21:21

Ut chixjunileb' li winq li wankeb' sa' tenamit te'xteni chi pek toj reetal taakamq. Chi kama'an taawisi li maa'usilal sa' eeyanq, ut naq chixjunileb' laj Israel te'xnaw a'in, te'ok xxiw.

Deuteronomio 19:19

toja' naq te'xb'aanu re li k'aru raj kiraj xb'aanunkil re li ras riitz'in. Chi kama'an taak'e chi sachk li yib'eetal sa' eeyanq.

Deuteronomio 17:7

Li ruq'eb' li testiiw, a'an li xb'enwa te'naq sa' xb'een re xkamsinkil; chirix chik a'an te'okenq chixjunileb' li tenamit. Chi jo'kan taawisi chi junajwa li maa'usilal sa' eeyanq.

Deuteronomio 13:5

Ut li propeet malaj laj matk' a'an tento taakamq xb'aan naq xatxtakchi'i chi xq'etq'etinkil aawib' chiru li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil. Tento taakamq xb'aan naq kiraj raj aawisinkil sa' li b'e xk'ehom chab'eeni li Qaawa' laaYos. Jo'ka'in taak'e chi oso'k chi junajwa li ink'a' us sa' eeyanq.

2 Corintios 6:15

Chanru naq te'wanq chi sum'aatin li Kriist ut laj tza? K'aru tixwotz laj paab'anel rik'in li maak'a' naxpaab'?

Jueces 20:12

Ke'xtaqlaheb' aj esil rik'ineb' chixjunil li ralal xk'ajol aj Benjamín chi xyeeb'al reheb': “K'a' chi maa'usilal a'an li xk'ulmank sa' eeyanq?

Jueces 20:14

ke'elk b'an sa' xtenamiteb' ut ke'xch'utub' rib' Kibehá re yalok rik'ineb' laj Israel.

Deuteronomio 13:6

“Wi laawas aawiitz'in, li ralal laana' laayuwa', laawalal malaj ut laarab'in, laaraarookil ixaqil malaj ut laawamiiw li chanchan tz'aqal aawaanm, taaraj aab'alaq'inkil chi muqmu rik'in xyeeb'al aawe: «Yo'o, qaloq'oniiq ruheb' li jalanil yos», cha'aq, li ink'a' nakanaw ru laa'at chi moko eb' laana' ut laayuwa' xnawomeb' ru,