Jueces 2:21 - Q'eqchi Bible

²¹ Jo'kan utan ink'a' twaanilasiheb' li poyanam li ink'a' kirisiheb' laj Josué naq toj maji' nakamk”, chan li Qaawa'.

Li Santil hu

²¹ Joꞌcan nak incꞌaꞌ teꞌcuisi saꞌ lix naꞌajeb li tenamit li incꞌaꞌ quirisiheb laj Josué nak toj ma̱jiꞌ nacam.

Jueces 2:21 ပူးပေါင်းရင်းမြစ်များ

Josué 23:13

chenawaq naq li Qaawa' leeYos ink'a' chik traanilasiheb' li tenamit a'in cheru, a'anaqeb' b'an chik ra'al ut ch'imb' b'arwi' text'ane'q. Chanchanaqeb' tz'uum sa' xb'een leetel ut k'ix sa' leeru, toj reetal maajun eere tkanaaq sa' xb'een li xchaq'alil ru ch'och' a'in li xk'ehom eere li Qaawa' leeYos.

Jueces 2:3

Jo'kan naq ninye eere naq ink'a' te'waanilasiheb' li tenamit a'in cheru; a'aneb' b'an te'rahob'tesinq eere, ut li xyoseb' a'anaq jun ra'al cho'q eere”.

Ezequiel 20:24

Xb'aan naq toj naxik xch'ooleb' chirixeb' li xjalanil yoseb' li xna' xyuwa'eb'; jo'kan naq ke'xtz'eqtaana linchaq'rab', ink'a' ke'xpaab' li waatin ut ke'xsach xwankil linhilob'aal kutan.

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

Josué 23:4

Chek'e reetal, xink'e eere chi b'uulinb'il chixjunileb' li na'ajej a'in chereechani. Moko ka'aj ta wi' eb' li tenamit li ak xqeechani, xink'e aj b'an wi' eere eb' li tenamit maji' xqachap, chalen chaq wan wi' li nima' Jordán toj sa' li Nimla Palaw, sa' xjayal rokeb'l saq'e.

Josué 23:5

A' ajwi' li Qaawa' leeYos taa'aanilasinq reheb' cheru laa'ex, taarisiheb' chi junajwa, ut laa'ex teereechani li xch'och'eb', jo' kixyeechi'i eere li Qaawa' leeYos.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Jueces 3:1

A'aneb' a'in li tenamit kixkanab'eb' li Qaawa' re xyalb'al rixeb' laj Israel, xb'aan naq wankeb' laj Israel li maji' yo'lajenaqeb' naq ki'uxk li yalok re reechaninkil Kanahán.