Jueces 2:12 - Q'eqchi Bible

¹² Ke'xkanab' li Qaawa', li xYos eb' li xxe'toonil yuwa' li ki'isink chaq reheb' sa' li na'ajej Ejiipt, ut ke'ok chi xtaaqenkil li xyoseb' li tenamit wankeb' chi xsutam. Ke'xwiq'ib' rib' chiruheb' ut ke'xchiq' xjosq'il li Qaawa';

Li Santil hu

¹² Queꞌxtzꞌekta̱na li Ka̱cuaꞌ, lix Dioseb lix xeꞌto̱nil yucuaꞌ, li qui-isin chak reheb saꞌ li naꞌajej Egipto. Ut queꞌxtiquib xlokꞌoninquileb li yi̱banbil dios li nequeꞌxlokꞌoni li tenamit li cuanqueb chi nachꞌ riqꞌuineb. Ut riqꞌuin xlokꞌoninquil li yi̱banbil dios, queꞌxchikꞌ xjoskꞌil li Ka̱cuaꞌ.

Jueces 2:12 ပူးပေါင်းရင်းမြစ်များ

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Deuteronomio 29:25

Ut taayeemanq reheb': «Xb'aan naq ke'xq'et li Sumwank kixb'aanu li Qaawa', a' li xYos eb' li xxe'toonil yuwa'eb', naq kirisiheb' chaq sa' li tenamit Ejiipt.

Deuteronomio 13:5

Ut li propeet malaj laj matk' a'an tento taakamq xb'aan naq xatxtakchi'i chi xq'etq'etinkil aawib' chiru li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil. Tento taakamq xb'aan naq kiraj raj aawisinkil sa' li b'e xk'ehom chab'eeni li Qaawa' laaYos. Jo'ka'in taak'e chi oso'k chi junajwa li ink'a' us sa' eeyanq.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Deuteronomio 5:9

Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Jueces 5:8

“Ke'xsik' ruheb' li ak'il yos ut, naq ak yo li yalok chire rokeb'aal li tenamit, maajun kaw rib' kiwakliik sa' xyanqeb' li ka'k'aal mil aj Israel.

Deuteronomio 33:17

Chaq'al ru jo' li xb'een ral li teelom wakax, kaw rib' jo' li k'iche'il b'ooyx: tixxe'q'eb' li tenamit toj sa' xmaril li ruuchich'och'! Jo'kaneb' li k'iila o'q'ob' chi aj Efraín, jo'kaneb' li xk'ihaleb' laj Manasés”, chan laj Moisés.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Jueces 8:33

Chirix li xkamik laj Jedehón eb' laj Israel ke'xmux wi' chik li xpaab'aaleb' rik'ineb' laj Bahal ut ke'xk'e laj Bahal-Berit cho'q xyoseb'.

Jueces 10:11

Kichaq'ok li Qaawa' ut kixye reheb': “Laa'ex kexrahob'tesiik xb'aaneb' laj Ejiipt, eb' laj Amor, eb' laj Amón, eb' laj Filistea,

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

Salmos 106:36

Ke'ok chi xloq'oninkil li jalanil yos, ut a'an kikanaak cho'q ra'al cho'q reheb' laj Israel.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

Éxodo 13:16

Ut a'an taak'anjelaq aawe cho'q reetalil sa' laawuq', cho'q xsahob' ru laapeekem, xb'aan naq li Qaawa' rik'in xkawilal li ruq' koorisi chaq Ejiipt»”.

Deuteronomio 4:25

“Naq akaq xe'wank eeralal eek'ajol ut eeri eemam ut akaq xextixk sa' li tenamit a'in, wi teepo' leena'leb' ut teeyiib' yalaq k'a' chi eetalil ramro cheru, wi teeb'aanu li ink'a' nawulak chiru li Qaawa' leeYos toj reetal teeyoob' xjosq'il,

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Jeremías 16:11

Toja' naq taaye reheb': «Xb'aan naq kine'xtz'eqtaana eb' leena' leeyuwa' -chan li Qaawa'- ut koheb' xch'ool chirixeb' li jalanil yos; ke'xloq'oni ruheb' ut ke'k'anjelak chiruheb'. Kine'xtz'eqtaana laa'in ut ink'a' ke'xpaab' linchaq'rab' ink'ehom reheb'.