Jueces 19:16 - Q'eqchi Bible

¹⁶ Naq ki'aak'ab'o'k, kinume'k jun cheekel winq li yo chaq chi sutq'iik sa' k'aleb'aal chi k'anjelak. A'an jun li winq chalenaq sa' xtzuulul Efraín ut wank jo' aj numel aran Kibehá, xb'aan naq eb' laj aran aj Benjamineb'.

Li Santil hu

¹⁶ Quinumeꞌ jun li che̱quel cui̱nk quisukꞌi chak saꞌ cꞌaleba̱l chi cꞌanjelac. Yo̱ chi xic saꞌ rochoch. Li cui̱nk aꞌan cuan Gabaa, aban chalenak chak saꞌ lix naꞌajeb li ralal xcꞌajol laj Efraín, li tzu̱l ru. Eb li cristian li cuanqueb saꞌ li tenamit Gabaa, aꞌan xcomoneb li ralal xcꞌajol laj Benjamín.

Jueces 19:16 ပူးပေါင်းရင်းမြစ်များ

Salmos 104:23

Toja' naq naxik li winq sa' li xk'anjel ut naxtawasi rib' toj na'ewuuk.

Jueces 19:1

Sa'eb' li kutan a'an, naq maak'a'eb' chaq awab'ej aran Israel, kiwank jun li winq aj Leví, sa' xnub'ajlil li xtzuulul Efraín. Kixsik' jun li ixq aj Belén, sa' xteepal Judá, re taawanq rik'in.

2 Ts 3:10

Ut naq toj wanko chaq eerik'in, xexqachaq'rab'i chi jo'kan: wi wank junaq ink'a' naraj k'anjelak, ink'a' ajwi' taatzekanq.

Efesios 4:28

Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.

Eclesiastés 5:12

Sa nawark li ani nak'anjelak, us ta naab'al naxtzeka malaj b'a'b'ay ajwi'. Ab'anan li b'ihom ink'a' nawark chi xk'oxlankil li k'aru wank re.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!

Proverbios 24:27

Kawresi laak'anjel chirix kab'l ut ch'oolani laak'aleb'aal; ut moqon chik taayiib' laawochoch.

Proverbios 14:23

Us na'elk li ani naxk'e xch'ool chi k'anjelak; a'ut li junes aatinak naxb'aanu, wank sa' neb'a'il.

Proverbios 13:11

Li b'ihomal li natawmank chi junpaat, sa' junpaat taa'oso'q; li ani naxch'utub' li xtumin chi timil timil, taab'ihomo'q.

Salmos 128:2

Rik'in li naruuchin laak'anjel tattzekanq. K'ajo' naq taasaho'q laach'ool; us tat-elq rik'in chixjunil li taab'aanu.

Jueces 19:14

Paynum b'i' koxe'nume'q ut koheb'. Ak x'ewuuk chi us naq ke'wulak sa' xka'yab'aal Kibehá, sa' xteepal Benjamín.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Jueces 19:15

Toja' naq ke'ok sa' li tenamit re xnumsinkil li q'oqyink. Laj Leví ki'ok aran ut koxk'ojlaaq sa' xyi li tenamit, ab'anan maajun kiyeechi'ink rochochnaaleb' re te'xnumsi wi' li q'oqyink.

Jueces 19:17

Li cheekel winq kixtaqsi li rilob'aal ut kixka'ya laj b'ihaaj li wank sa' xyi li tenamit, ut kixye re: “B'ar xatchalk chaq ut b'ar xik aawe?”, chan.

Oseas 9:9

Q'axal xnumtaak leemaa'usilal, jo' keb'aanu chaq aran Kibehá. A'ut li Qaawa' junelik wank sa' xch'ool leemaa'usilal, ut texk'e chi xtojb'al rix leemaak.