Jueces 18:7 - Q'eqchi Bible

⁷ Toja' naq eb' li oob' chi winq koheb' ut ke'wulak Lahis. Aran ke'xk'e reetal naq eb' li xpoyanamil li na'ajej a'an wankeb' sa' xyaalal, jo' k'aynaqeb' wi' laj Sidón, ut k'ojk'ookeb' xch'ool chi maak'a' k'oxlak. Maak'a' namajelo'k reheb' ut maa'ani nach'i'ch'i'ink reheb'. Najt wankeb' rik'in Sidón ut ink'a' neke'xnaw rib' rik'ineb' laj Aram.

Li Santil hu

⁷ Ut eb li o̱b chi cui̱nk queꞌel aran ut queꞌco̱eb saꞌ li tenamit Lais. Nak queꞌcuulac aran, queꞌxqꞌue retal nak eb li tenamit cꞌojcꞌo̱queb xchꞌo̱l. Chanchaneb laj Sidón. Cuanqueb saꞌ xya̱lal ut ma̱ ani nachꞌiꞌchꞌiꞌin reheb. Cuan chixjunil li cꞌaꞌruheb re. Najt xya̱nkeb riqꞌuineb laj Sidón. Ut incꞌaꞌ nequeꞌlokꞌoc chi moco nequeꞌcꞌayin riqꞌuineb li jalaneb xtenamit.

Jueces 18:7 ပူးပေါင်းရင်းမြစ်များ

Josué 19:47

Ab'an ink'a' tz'aqal li xch'och'eb' li ralal xk'ajol laj Dan; jo'kan naq koheb' chi yalok rik'ineb' laj Lésem. Ke'xchap ut ke'xkamsiheb' chi ch'iich' li wankeb' aran. Chirix chik a'an ke'kanaak sa' li tenamit a'an, ut Dan chik ke'xk'e cho'q xk'ab'a' sa' xk'ab'a' li xxe'toonil yuwa'eb'.

Apocalipsis 18:7

Jo'nimal xnimob'resi wi' rib' ut xrataw li maa'usilal, jo'kan ajwi' k'ehomaq reeqaj rik'in rahilal ut yot'e'k. Xb'aan naq kixye sa' xch'ool: «K'ojk'ookin jo' xna' li tenamit, maawa'in xmalka'an ut maajoq'e twil li rahil ch'oolej», chan.

1 Pedro 2:14

jo' ajwi' chiruheb' laj jolominel, xb'aan naq taqlanb'ileb' xb'aan a'an, re xk'eeb'al chi xtojb'aleb' xmaak li ink'a' neke'b'aanunk re li us, ut re ajwi' xk'eeb'aleb' xloq'al eb' li us neke'xb'aanu.

Romanos 13:3

Eb' li xiw xiw neke'ril li neke'taqlank sa' xb'een li tenamit maawa' li neke'b'aanunk re li us, a'aneb' b'an li neke'b'aanunk re li ink'a' us. Wi ink'a' taawaj xxiwankileb' ru li wankeb' sa' chaq'rab', b'aanu li us ut taanimaaq aawu xb'aaneb' a'an,

1 Reyes 1:6

Li xyuwa' maajun wa kixch'i'ch'i'i rik'in xyeeb'al re: “K'a'ut naq jo'kan nakab'aanu?”. Laj Adonías ch'ina'us rilb'al ut toj iitz'inb'ej chiru laj Absalón.

1 Samuel 3:13

Ak inyehom naq tinraq aatin chi junajwa sa' xb'een li xjunkab'al, xb'aan naq naxnaw naq eb' li ralal xk'ajol xine'xmajewa ut ink'a' xq'useb'.

Jueces 18:6

Kichaq'ok laj tij ut kixye reheb': “Mexk'oxlak, ayuqex sa' tuqtuukilal. Li Qaawa' texril chiru leeb'eenik”.

Jueces 18:8

Toja' naq ke'sutq'iik chaq Sorá ut Estahol, b'arwi' wankeb' li xkomon, ut eb' a'in ke'xpatz' reheb': “K'aru li esil nekek'am chaq qe?”, chankeb'.

Jueces 18:29

Ke'xjal ajwi' xk'ab'a' li tenamit: ink'a' chik Lahis naxk'ab'a'in anaqwan, Dan b'an ke'xk'e cho'q xk'ab'a' re xjultikankil laj Dan li xyuwa'eb', ralal laj Israel.

1 Reyes 16:31

Ink'a' kitz'aqlok re xb'aanunkil li xmaakeb' laj Jerobohán, ralal laj Nebat; kixk'am aj b'an wi' cho'q rixaqil lix Jesabel, xrab'in laj Itobahal, awab'ej re Sidón, ut ki'ok chi k'anjelak chiru li jalanil yos, Bahal xk'ab'a', ut kixloq'oni ru.

1 Crónicas 4:40

Ut aran ke'xtaw chi yo'oon chaab'il pim, jo' ajwi' jun li na'ajej jwal nim ut chaab'il; aran maajun nach'e'ok reheb' (aran ke'wank junxil eb' li ralal xk'ajol laj Kam).

Jeremías 49:31

Xaqlinqex ut ayuqex chi xchapb'al li tenamit wank sa' tuqtuukilal, li maak'a' naxk'oxla -chan li Qaawa'-; moko sutsu ta chi tz'akil chi moko wankeb' rokeb'aal, ut xjunes wank.