Jueces 18:30 - Q'eqchi Bible

³⁰ Aran eb' laj Dan ke'xxaqab' li pak'b'il yos re te'xloq'oni. Laj Jonatán, ralal laj Kersón, ralal laj Moisés, jo'wi' eb' li ralal xk'ajol ke'k'anjelak cho'q aj tij chiruheb' li ralal xk'ajol laj Dan chalen toj naq ke'k'ame'k chi najt.

Li Santil hu

³⁰ Ut eb li ralal xcꞌajol laj Dan queꞌxxakab li yi̱banbil dios re teꞌxlokꞌoni. Ut laj Jonatán, li ralal laj Gersón, rochben li ralal xcꞌajol queꞌcꞌanjelac chokꞌ aj tij chiruheb li ralal xcꞌajol laj Dan chalen toj nak queꞌchapeꞌ ut queꞌcꞌameꞌ chi najt. Laj Gersón, aꞌan li ralal laj Moisés.

Jueces 18:30 ပူးပေါင်းရင်းမြစ်များ

Jueces 17:5

Sa' rochoch laj Mikaías wank jun tijob'aal. Kixyiib' jun efod jo'wi' xkok' yos, ut kixxaqab' jun li ralal cho'q aj tij.

Jueces 17:3

Toja' naq li winq kixq'axtesi li o'lajuk'aal rox o'q'ob' chi tumin plaat re li xna', ut a'in kixye: “Tinq'axtesi li tumin a'in re li Qaawa' sa' xk'ab'a' linyum. Twaj taayiib'amanq junaq pak'b'il yos”. Naq laj Mikaías kixq'ajsi li tumin re li xna',

Jueces 13:1

Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

Éxodo 2:22

Ut a'in kiwank jun xk'uula'al, aj Kersón kik'ehe'k cho'q xk'ab'a', xb'aan naq kixye laj Moisés: “Jalan intenamit; wankin sa' ab'l aj ch'och'”, chan.

Deuteronomio 31:29

Ninnaw naq akaq xinkamk chik, taapo'q leena'leb'; teekanab' li b'e xink'ut cheru ut naab'al li rahilal taachalq sa' eeb'een sa'eb' li kutan chaalel, xb'aan teeb'aanu li ink'a' us chiru li Qaawa' ut teechiq' xjosq'il rik'in leeyib' aj b'aanuhom”, chan laj Moisés.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Deuteronomio 27:15

«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich' re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».

Levítico 26:1

“Meeyiib' eejalanil yos chi moko jalam u; meewaklesi sa' leetenamit junaq loq'laj pek chi moko let'exinb'il pek, re naq texwiq'laaq chiruheb', xb'aan naq laa'in li Qaawa' leeYos.

Éxodo 20:4

“Maapech' chi moko taayiib' xjalam u junaq k'a' re ru li wank taqe'q sa' choxa, malaj li wank taq'a sa' ruuchich'och', chi moko li wank sa' ha' rub'el li ch'och'.

Éxodo 18:3

jo' ajwi' xkab'ichaleb' li xkok'al: li xk'ab'a' li jun a'an aj Kersón, xb'aan naq xyehom chaq laj Moisés: “Aj najtil tenamitin sa' ab'l aj ch'och'”,

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

2 Reyes 17:18

K'ajo' naq kijosq'o'k li Qaawa' rik'ineb' laj Israel ut kirisiheb' chi xnaq' ru. Ka'aj chik laj Judá kikanaak rik'in.

2 Reyes 17:20

Toja' naq li Qaawa' kixtz'eq chirix xch'ool eb' li ralal xk'ajoleb' laj Israel, kixk'ut xxutaaneb' ut kixq'axtesiheb' sa' ruq'eb' laj elq', toj reetal kirisiheb' sa' li xna'ajeb'.

2 Reyes 17:22

Eb' laj Israel ke'xk'e xch'ool chi xb'aanunkil chixjunil li maak kixb'aanu laj Jerobohán ut ink'a' ke'xkanab' xb'aanunkil.

2 Reyes 17:23

Toja' naq li Qaawa' kixtz'eqtaanaheb' laj Israel, jo' yeeb'il chaq chi xtz'uumal reheb' li propeet aj k'anjeleb' chiru: eb' laj Israel ke'isiik sa' li xna'ajeb' ut ke'k'ame'k sa' li tenamit Asiria chalen toj anaqwan.