Jueces 17:2 - Q'eqchi Bible

² Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

Li Santil hu

² Laj Micaía quixye re lix naꞌ: —Nak qui-elkꞌa̱c cha̱cuu li jun mil riqꞌuin jun ciento chi tumin plata, la̱at xatzꞌa̱ma ma̱usilal saꞌ xbe̱n li ani qui-elkꞌan re. La̱in xin-elkꞌan re la̱ tumin. Cueꞌ li tumin cuan cuiqꞌuin. Anakcuan tinkꞌaxtesi a̱cue, chan. Ut li naꞌbej quixye: —Li Ka̱cuaꞌ Dios taxak chi-osobtesi̱nk a̱cue, chan.

Jueces 17:2 ပူးပေါင်းရင်းမြစ်များ

Nehemías 13:25

Jo'kan naq keb'inq'us chi kaw ut kinmajewaheb'. Wank sa' xyanqeb' kink'eheb' chi rape'k ut chi mich'ek li rismaleb'. Chirix chik a'an kink'eheb' chi xyeeb'al sa' xk'ab'a' li Yos naq ink'a' te'xk'e li ralal xk'ajoleb' chi sumlaak rik'ineb' li jalan xtenamiteb'.

Li xHu LIX RUT 3:10

Ut a'an kixye: —Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan.

2 Juan 1:11

xb'aan naq ani taak'ehoq xsahil xch'ool, taa'okenq sa'eb' li xyib' aj b'aanuhom.

1 Corintios 16:22

Ani ink'a' naxra li Qaawa', tz'eqtaananb'ilaq chi junajwa! Maraná tha.

Romanos 9:3

Nawaj raj naq maa'usilanb'ilaqin ta ut jachjooqin raj rik'in li Kriist xb'aan xraab'aleb' li was wiitz'in, eb' li wech tenamitul li wech kik'elil.

San Mateo 26:74

Toja' naq ki'ok chi majewank ut chi xyeeb'al rik'in jurament: —Ink'a' ninnaw ru li winq a'an. Tikto kiyaab'ak jun li tzo' kaxlan.

Jeremías 48:10

Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Proverbios 28:24

Li narelq'a k'a'aq ru re li xna' xyuwa' ut naxye naq moko maak ta, a'an xkomoneb' li maa'us aj winq.

Salmos 10:3

Li yib'ru xna'leb' naxnimob'resi rib' rik'in li naratawin li xch'ool; k'ajo' naq laj pix naxtz'eqtaana ut naxmaa'usila li Qaawa'.

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

1 Samuel 23:21

Kichaq'ok laj Saúl ut kixye: “Li Qaawa' chi'osob'tesinq eere xb'aan naq xetoq'ob'a wu.

1 Samuel 15:13

Toja' naq laj Samuel koho wan wi' laj Saúl, ut a'in kixye re: “Li Qaawa' chi'osob'tesinq taxaq aawe. Ak xinb'aanu li xinxtaqla wi' li Qaawa'”.

1 Samuel 14:28

Tikto jun reheb' li poyanam kixye re: “«Tz'eqtaananb'ilaq li ani taawa'aq hoon», chan laayuwa' reheb' li tenamit. Jo'kan naq tawasinb'ileb' chixjunileb'”.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

Jueces 5:23

Majewahomaq Merós, chan li x'ánjel li Qaawa'; majewahomaq, majewahomaq li wankeb' aran, xb'aan naq ink'a' ke'chalk re xtenq'ankil li Qaawa', re xtenq'ankil li Qaawa' jo' neke'xb'aanu li kaweb' rib'.

Deuteronomio 27:16

«Tz'eqtaananb'ilaq li ani tixtz'eqtaana li xna' xyuwa'». Ut chixjunil li tenamit te'xye: «Jo'kan».

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Jueces 17:1

Kiwank jun li winq aran sa' xtzuulul Efraín, aj Mikaías xk'ab'a'.

Jueces 17:3

Toja' naq li winq kixq'axtesi li o'lajuk'aal rox o'q'ob' chi tumin plaat re li xna', ut a'in kixye: “Tinq'axtesi li tumin a'in re li Qaawa' sa' xk'ab'a' linyum. Twaj taayiib'amanq junaq pak'b'il yos”. Naq laj Mikaías kixq'ajsi li tumin re li xna',