Jueces 16:5 - Q'eqchi Bible

⁵ Eb' li xjolomileb' laj Filistea koheb' wan wi' li ixq ut ke'xye re: “Q'unb'esi laj Sansón re naq tixye aawe b'ar nachalk li xnimal xmetz'ew ut chan raj ru tooruuq chi xq'axb'al ru, re xchapb'al ut xb'ak'b'al chi kaw. O'lajuk'aal rox o'q'ob' (1,100) chi tumin plaat taaqak'e aawe chiqajunjunqal”, chankeb'.

Li Santil hu

⁵ Eb li nequeꞌtaklan saꞌ xbe̱neb laj filisteo queꞌxye re lix Dalila: —Balakꞌi laj Sansón re nak tixye a̱cue cꞌaꞌut nak kꞌaxal cuan xmetzꞌe̱u ut chanru nak ta̱ru̱k tonumta̱k saꞌ xbe̱n re nak takachap ut takabacꞌ. Cui ta̱ye ke, la̱o takaqꞌue a̱tumin. Jun mil riqꞌuin jun ciento chi tumin plata takaqꞌue a̱cue chikaju̱nkal, chanqueb laj filisteo.

Jueces 16:5 ပူးပေါင်းရင်းမြစ်များ

Jueces 14:15

Sa' xka li kutan ke'xye re li rixaqil laj Sansón: “Q'unb'esi laab'eelom re naq tixch'olob' chiqu xyaalal li aatin a'an. Wi ink'a' taab'aanu, taaqak'at li rochoch laayuwa' ut tatqak'at ajwi' laa'at. Malaj xooheeb'oq chaq yal re qelq'ankil?”, chankeb'.

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

San Mateo 26:15

“K'aru teeraj xk'eeb'al we ut laa'in tinq'axtesi li Jesus eere?”, chan reheb'. Eb' a'an ke'xsume xk'eeb'al lajeeb' xka'k'aal chi tumin plaat re.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

1 Samuel 29:6

Toja' naq laj Akis kixb'oq laj David ut kixye re: “Sa' xk'ab'a' li yo'yookil Yos ninye aawe naq tiik aach'ool ut xwaj naq xkohat raj chiwix chi yalok, xb'aan naq maak'a' k'aru ink'a' us xintaw aawik'in chalen aawokik wik'in toj anaqwan. Ab'anan moko sa ta ilb'ilat xb'aaneb' li xjolomileb' laj Filistea.

Jueces 17:2

Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

Génesis 33:16

Sa' ajwi' li kutan a'an laj Esaú kisutq'iik Seír.

Jueces 16:4

Moqon chik laj Sansón xkoho xch'ool chirix jun li ixq xDalila xk'ab'a', li wank sa' xtaq'ahil Sorek.

Jueces 16:6

Toja' naq lix Dalila kixye re laj Sansón: “B'aanu usilal, ye we b'ar nachalk li xnimal aametz'ew ut k'a' raj ru tatb'ak'manq wi' re naq chapchooqat chi kaw”, chan.