Jueces 16:4 - Q'eqchi Bible

⁴ Moqon chik laj Sansón xkoho xch'ool chirix jun li ixq xDalila xk'ab'a', li wank sa' xtaq'ahil Sorek.

Li Santil hu

⁴ Ut mokon chic co̱ xchꞌo̱l laj Sansón chirix jun li ixk cuan saꞌ li ru takꞌa aran Sorec. Li ixk aꞌan xDalila xcꞌabaꞌ.

Jueces 16:4 ပူးပေါင်းရင်းမြစ်များ

1 Corintios 10:6

Chixjunil a'an kik'ulmank jo' loq'laj eetalil cho'q qe, re naq ink'a' tqarahi ru li ink'a' us kama' naq eb' a'an ke'xrahi chaq ru.

Proverbios 22:14

Li naxch'ik rib' rik'in laj yumb'eet, a'an jo' li t'ane'k sa' siwan: aran neke'oso'k li neke'tz'eqtaanank re li Qaawa'.

Proverbios 27:22

Li maak'a' xna'leb' moko tixkanab' ta li xmemil, us ta taaputz'iiq chiru li ke'leb'.

Proverbios 26:11

Jo' naq li tz'i' naxlow wi' chik sa' li xxa'aw, jo'kan ajwi' li maak'a' xna'leb' naq naxb'aanu wi' chik li maa'usilal.

Proverbios 23:27

Xb'aan naq laj yumb'eet, a'an chanchan li siwan, ut li ixq aj muxul sumlaak chanchan jun li jul laatz' xsa'.

Nehemías 13:26

Kinye ajwi' reheb': “Ma ink'a' tab'i' rik'in a'in kimaakob'k laj Salomón, awab'ej re Israel? Us ta a'an xnimal ru awab'ej sa' ruuchich'och', us ta jwal raaro xb'aan li xYos ut sik'b'il chaq ru cho'q awab'ej re chixjunil Israel, ab'anan kik'ehe'k chi maakob'k xb'aaneb' li ixq jalaneb' xtenamit.

1 Reyes 11:1

Us ta ak wank cho'q tz'aqal rixaqil li xrab'in laj Parahón, laj Salomón li awab'ej kiwank chik naab'al li rixaqil, jalan xtenamiteb': ixqeb' aj Mohab, aj Amón, aj Edom, aj Sidón ut aj Hit.

Jueces 16:3

Ab'an laj Sansón ink'a' kiwark chiru chixjunil li q'oqyink, kiwakliik b'an sa' tuqtu q'oqyink ut kixb'oq' li rokeb'aal li tenamit. Chirix chik a'an kixxok, rochb'eeneb' li roqechal ut li ch'iich' li nanat'ok re, kixk'e sa' xb'een xtel ut kixk'am toj sa' xb'een li tzuul li wank sa' xka'yab'aal Hebrón.

Jueces 16:5

Eb' li xjolomileb' laj Filistea koheb' wan wi' li ixq ut ke'xye re: “Q'unb'esi laj Sansón re naq tixye aawe b'ar nachalk li xnimal xmetz'ew ut chan raj ru tooruuq chi xq'axb'al ru, re xchapb'al ut xb'ak'b'al chi kaw. O'lajuk'aal rox o'q'ob' (1,100) chi tumin plaat taaqak'e aawe chiqajunjunqal”, chankeb'.