Jueces 16:25 - Q'eqchi Bible

²⁵ K'ajo' naq ke'saho'k sa' xch'ool li tenamit, ut ke'xye: “B'oqomaq chaq laj Sansón, xk'ehaq xsahil qach'ool”, chankeb'. Jo'kan naq ke'risi chaq laj Sansón sa' li tz'alam, ut a'an kixk'eheb' chi se'ek. Moqon chik ke'xxaqab' sa' xyanq wiib' li roqechal li kab'l.

Li Santil hu

²⁵ Cꞌajoꞌ nak queꞌsahoꞌ saꞌ xchꞌo̱leb li tenamit ut queꞌxye: —Cꞌamomak chak laj Sansón. Aꞌan tixqꞌue xsahil kachꞌo̱l, chanqueb. Ut queꞌrisi laj Sansón saꞌ tzꞌalam ut queꞌoc chixseꞌenquil ut chixhobbal. Ut queꞌxxakab saꞌ xyi cuib li rokechal li nimla cab.

Jueces 16:25 ပူးပေါင်းရင်းမြစ်များ

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

Jueces 19:6

Ke'chunlaak chi xkab'ichaleb' ut ke'ok chi wa'ak ut uk'ak. Chirix chik a'an li yuwa'b'ej kixye re li winq: “B'aanu usilal, chanumsi jun q'oqyink chik arin ut taasaho'q laach'ool”, chan.

Jueces 9:27

Eb' a'in koheb' sa' li xna'aj awimq chi sik'ok uub' ut ke'xyatz' re risinkil li xya'al. Chirix chik a'an ke'xtikib' ninq'ehik ut ke'ok sa' rochoch li xyoseb'. Ke'wa'ak, ke'uk'ak ut ke'xmajewa laj Abimélek.

Hebreos 11:36

wankeb' ke'xkuy eetz'uuk ut rape'k chi tz'uum; ke'xkuy ajwi' b'ak'e'k chi kareen ut tz'alam;

San Mateo 27:29

Ke'xtz'ul jun li koroon k'ix, ke'xk'e sa' xjolom ut sa' xnim uq' ke'xk'e jun xche'. Ke'xwiq'ib' rib' chiru ut ke'reetz'u: —Sahaq taxaq sa' aach'ool, at xreyeb' laj Judiiy, chankeb' re.

Isaías 22:13

Ab'anan laa'ex sa chik sa' leech'ool ut yookex chi ninq'ehik, yookex chi kamsink wakax ut karneer, junes tiwok tib' ut uk'ak b'iin nekeb'aanu: “Wa'aqo ut uk'aqo xb'aan naq wulaj kab'ej tookamq”, -chankex-.

Salmos 69:26

Li xna'ajeb' chikanaaq ta chi nakirnak, ut maajun ta chik chihilanq sa' li xmuheb'aaleb',

Salmos 69:12

naq nink'e saak chiwix xb'aan rahil ch'oolej, eetz'ub'aal chik ninkanaak wi' chiruheb'.

Ester 3:15

Eb' li xtaql li awab'ej koheb' chi junpaat jo' taqlanb'ileb' wi', ut li esil kipukank ajwi' sa' li tenamit Susa. Naq li awab'ej ut laj Amán yookeb' chi uk'ak chi saheb' sa' xch'ool, k'ajo' li rahil ch'oolej sa' li tenamit Susa.

1 Reyes 20:12

Yo chi uk'ak laj Ben-Adad rochb'eeneb' li awab'ej aran Sukot naq kirab'i li aatin a'in. Tikto kixye reheb' laj k'anjel chiru: “Tawomaq eena'aj chi yalok”. Ut chixjunileb' ke'xtus rib' chire li tenamit.

Jueces 19:9

Tojo' naq li b'eelomej rochb'een li ixq ut li xmoos ke'xaqliik re xik, ab'an laj hi' re, li xyuwa' li ixq, kixye re: “K'e reetal, ak x'ewuuk chi us. Numsi li q'oqyink arin ut taasaho'q laach'ool. Wulaj eq'la te'xik ut tatsutq'iiq sa' laawochoch”, chan.

Jueces 18:20

Kisaho'k sa' xch'ool laj tij rik'in a'an; kixchap li efod, li kok' jalam u ut li pak'b'il yos, ut koho sa' xyanqeb' laj Dan.

Jueces 16:24

Naq eb' li poyanam ke'ril ru laj Sansón, ke'xnima ru li xyoseb' ut ke'xye: “Li qayos xk'e sa' quq' laj Sansón li xik' na'ilok qe, li xsachok re li qatenamit ut xkamsi naab'aleb' li qakomon”, chankeb'.

Jueces 16:26

Toja' naq laj Sansón kixye re li al li yo chi ch'ilonk re: “K'ehin b'arwi' tinruuq chi xch'e'b'aleb' li oqech li k'ojk'o wi' li kab'l, re naq tinchap wib' chiruheb'”, chan.

Ester 1:10

Sa' xwuq li kutan naq li awab'ej yo xkalajik, kixtaqla xb'oqb'al laj Mehumán, laj Bisetá, laj Jarboná, laj Biktá, laj Abaktá, laj Setar ut laj Karkás, eb' li wuqub' chi winq li wankeb' chi k'anjelak sa' rochoch laj Asuero.