Jueces 16:16 - Q'eqchi Bible

¹⁶ K'ajo' naq rajlal lix Dalila naxch'i'ch'i'i laj Sansón, yo chi xtitz'b'al, toj reetal a'in ink'a' chik kixkuy

Li Santil hu

¹⁶ Lix Dalila rajlal yo̱ chixchꞌiꞌchꞌiꞌinquil laj Sansón ut yo̱ chixpatzꞌbal re nak tixye re chanru nak cuan xmetzꞌe̱u toj retal quititzꞌ rabinquil ut incꞌaꞌ chic quixcuy.

Jueces 16:16 ပူးပေါင်းရင်းမြစ်များ

San Lucas 18:5

ab'anan us tinkol li xmalka'an a'in xb'aan naq nikinxch'i'ch'i'i. Mare anchal taachalyanq chi xk'eeb'al xtib'l injolom»”.

San Lucas 11:8

ninye eere: ink'a' taawakliiq chi xk'eeb'al re rik'in naq ramiiw, taawakliiq b'an rik'in naq tixkanab' xch'i'ch'i'inkil, ut tixk'e re jo'nimal taaraj ru.

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

Jonás 4:9

Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

Li xHu LAJ JOB 21:4

Moko chirix ta winq yookin chi jitok; wank xyaalal naq ra sa' inch'ool.

Jueces 16:15

Toja' naq kixye li ixq: “Chanru naq nakaye: «Nakatinra», wi maak'a' laach'ool wik'in? Ox sut ak xinaab'alaq'i ut toj maji' ajwi' nakaye we b'ar nachalk li xnimal aametz'ew”, chan.

Jueces 16:17

ut kixte xch'ool: “Laa'in maajun sut kib'ese'k linjolom, xb'aan naq q'axtesinb'ilin re li Yos cho'q nasireo chalen sa' insiyajik rik'in inna'. Wi taab'ese'q li wismal, maak'a'aq chik inmetz'ew, taa'elq xkawilal li woq wuq' ut kama'aqin raj yalaq anihaq chik winq”, chan re li ixq.

Jueces 14:16

Toja' naq li rixaqil laj Sansón taayaab'aq naq koho rik'in li xb'eelom ut kixye re: “Laa'at xik' nikinaawil ut ink'a' nikinaara. Xaye li q'ehiik traj reheb' lintenamit ut ink'a' xach'olob' chiwu k'aru xyaalal”, chan. Kichaq'ok laj Sansón ut kixye re: “Chi moko linna' linyuwa' xinch'olob' wi'. Ma toja' ta chik laa'at tinye aawe”, chan.

Jueces 14:17

Ab'anan li ixq ink'a' kixkanab' yaab'ak chiru li wuqub' kutan kiwank wi' li ninq'e. Sa' xraqik, sa' xwuq li kutan, laj Sansón kixch'olob' chiru, xb'aan naq li ixq ink'a' naxkanab' xpatz'b'al re. Ut naq ak xnaw, li ixq koxye xyaalal reheb' li rech tenamitul.