Jueces 16:14 - Q'eqchi Bible

¹⁴ Lix Dalila kixwartesi laj Sansón; chirix chik a'an kixkem xwuqichal li xtz'ulb'al rismal rik'in li xwa li kemom, kixt'oj chiru li xche'el li kemleb' ut kixjap re chi xyeeb'al: “We'keb' laj Filistea sa' aab'een, a Sansón!”, chan. Ab'an laj Sansón ki'ajk ru sa' xwara ut kixb'oq' li xwa li kemom jo'wi' li xche'el. Ut eb' laj Filistea ink'a' ke'ruuk xnawb'al b'ar nachalk li xmetz'ew laj Sansón.

Li Santil hu

¹⁴ Nak yo̱ chi cua̱rc, quixchap chi us riqꞌuin lix cheꞌel lix quemleb. Ut quixjap re: —At Sansón, xeꞌchal laj filisteo cha̱chapbal, chan. Ut laj Sansón qui-aj ru, ut quixmichꞌ li cheꞌ li chapcho cuiꞌ li rismal rochben li tꞌicr.

Jueces 16:14 ပူးပေါင်းရင်းမြစ်များ

Salmos 106:43

K'iila sut li Qaawa' kixkol li xtenamit, a'ut eb' a'an ke'xq'etq'eti rib' chiru ut ke'sub'e'k chi junajwa sa' li xmaakeb'.

Jueces 16:13

Toja' naq lix Dalila kixye re laj Sansón: “Toj anaqwan yookat chinb'alaq'inkil ut junes tik'ti' nakaye we. Ye we k'a' raj ru tatb'ak'manq wi'”, chan. Kisumeek: “Wi taakem xwuqichal li xtz'ulb'al rismal injolom rik'in li xwa li kemom ut taach'ik chi kaw sa' ch'och' rik'in li xche'el laakemleb', maak'a'aq chik inmetz'ew ut kama'aqin raj yalaq anihaq chik winq”, chan.

Jueces 16:15

Toja' naq kixye li ixq: “Chanru naq nakaye: «Nakatinra», wi maak'a' laach'ool wik'in? Ox sut ak xinaab'alaq'i ut toj maji' ajwi' nakaye we b'ar nachalk li xnimal aametz'ew”, chan.