Jueces 16:11 - Q'eqchi Bible

¹¹ Kichaq'ok a'an ut kixye: “Wi tine'xb'ak' rik'in ak' k'aam li toj maji' oksinb'il, maak'a'aq chik inmetz'ew ut kama'aqin raj yalaq anihaq chik winq”, chan.

Li Santil hu

¹¹ Laj Sansón quixye re: —Cui tineꞌxbacꞌ riqꞌuin li laso li toj acꞌ, li toj ma̱jiꞌ ocsinbil, ma̱cꞌaꞌak chic inmetzꞌe̱u. Chanchanakin chic joꞌ chixjunileb li cui̱nk, chan.

Jueces 16:11 ပူးပေါင်းရင်းမြစ်များ

Efesios 4:25

Jo'kan utan, tz'eqtaanahomaq li tik'ti', cheye li yaal chejunjunqal reheb' leeras eeriitz'in, xb'aan naq qacha'al qib' chiqib'il qib'.

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Proverbios 13:5

Li tiik xch'ool xik' naril li tik'ti'; li ink'a' us xna'leb' xik' na'ile'k ut xutaanal na'elk.

Proverbios 13:3

Li naxk'e reetal li k'aru naxye, yo chi xkolb'al li xyu'am; a'ut li k'ajo' naxye, xjunes naxsach rib'.

Jueces 15:13

Ke'xsume: “Ink'a' tatqakamsi. Ka'ajwi' tqaj aachapb'al re aaq'axtesinkil sa' ruq'eb'”, chankeb'. Tikto ke'xb'ak' rik'in wiib' k'aam li toj ak'eb', ut ke'risi chaq sa' li saqoonak.

Jueces 16:10

Toja' naq kixye lix Dalila re laj Sansón: “Xinaab'alaq'i xb'aan naq tik'ti' li xaye we. B'aanu usilal, ye we k'a' raj ru tatb'ak'manq wi'”, chan.

Jueces 16:12

Jo'kan naq lix Dalila kixchapeb' k'aam li toj ak'eb', kixb'ak' laj Sansón chiruheb' a'an ut kixjap re chi xyeeb'al: “We'keb' laj Filistea sa' aab'een, a Sansón!”, chan. Muqmuukeb' winq sa' xwarib'aal lix Dalila, ab'anan laj Sansón kixt'upeb' li k'aam chapcho wi' kama' wi' nat'upe'k li noq'.