Jueces 15:8 - Q'eqchi Bible

⁸ K'ajo' naq kichalk xjosq'il laj Sansón! Tikto kixrahob'tesiheb' chi numtajenaq ut kixkamsi naab'aleb'. Moqon chik koho chi wank sa' li ochoch pek li wank sa' li saqoonak re Etán, ut aran kikanaak.

Li Santil hu

⁸ Qui-oc chi pletic riqꞌuineb ut quixcamsi nabaleb. Chirix aꞌan, laj Sansón co̱ chi cua̱nc saꞌ jun li ochoch pec saꞌ li sako̱nac cuan saꞌ li naꞌajej Etam.

Jueces 15:8 ပူးပေါင်းရင်းမြစ်များ

Isaías 63:6

Xinyeq'iheb' li tenamit xb'aan linjosq'il, xinsach ruheb' ut li xkik'eleb' xb'eek chiru ch'och' naq xe'oso'k”.

Isaías 63:3

“Yaal, injunes xinyatz' ru li uub' chi maajun reheb' lintenamit xtenq'ank we. Xinyeq'iheb' sa' woq eb' li xik' neke'ilok we ut xinteniheb' chi k'ajo' injosq'il. Li xkik'eleb' xpach'ok chiwix ut xintz'ajni chixjunil li waq'.

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

Jueces 15:7

Naq laj Sansón kirab'i resil a'an, kixye reheb': “Xb'aan naq xeb'aanu a'in, relik chi yaal ninye eere naq ink'a' taak'ojlaaq inch'ool toj tink'e reeqaj eere”, chan.

Jueces 15:9

Eb' aj Filistea koheb' Judá. Aran ke'xyiib' li xmuheb'aaleb' ut ke'xcha'cha'i rib' toj ke'wulak Lejí.

Jueces 15:11

Toja' naq lajeek'aal xwaqxaq o'q'ob' (3,000) aj Judá ke'kub'eek sa' li ochoch pek li wank sa' li saqoonak re Etán ut ke'xye re laj Sansón: “Ma ink'a' nakanaw naq eb' laj Filistea yookeb' chi numtaak sa' qab'een? K'aru xab'aanu qe?”, chankeb'. Laj Sansón kixsumeheb': “Jo' xe'xb'aanu we laa'in, jo'kan naq xinb'aanu reheb'”, chan.

Jueces 15:10

Naq ke'xtikib' yalok, eb' laj Judá ke'xpatz' reheb': “K'a'ut naq xexchalk chi yalok qik'in?”. Ke'chaq'ok ut ke'xye: “Xoochalk chi xchapb'al laj Sansón, re xb'aanunkil re jo' xb'aanu qe”, chankeb'.

2 Crónicas 11:6

Kixkawub'resiheb' li tenamit Belén, Etán, Tékoha,