Jueces 15:18 - Q'eqchi Bible

¹⁸ K'ajo' naq taachaqiq re laj Sansón naq kixb'aanu a'an! Jo'kan naq kixyaab'a xk'ab'a' li Qaawa' ut kixye: “Laa'at xinaak'e chi numtaak sa' xb'eeneb' laj Filistea. Ut anaqwan ma tinaakanab' chi kamk xb'aan chaqi'eel? Ma tinaaq'axtesi sa' ruq'eb' li ink'a' nakate'xpaab'?”, chan.

Li Santil hu

¹⁸ Cꞌajoꞌ nak ta̱chakik re laj Sansón nak quixye re li Ka̱cuaꞌ: —Xina̱tenkꞌa chi numta̱c saꞌ xbe̱neb laj filisteo. Ut anakcuan, ¿ma tina̱canab chi ca̱mc xban chaki el ut tineꞌxcꞌam eb laj filisteo, li incꞌaꞌ nacateꞌxpa̱b? chan.

Jueces 15:18 ပူးပေါင်းရင်းမြစ်များ

Hebreos 11:32

Ut k'a' chik ru tinye? Xb'aan naq ink'a' raj taatz'aqloq we li kutan, wi tinseeraq'iq chirix laj Jedehón, laj Barak, laj Sansón, laj Jefté, laj David, laj Samuel ut eb' li propeet.

San Juan 19:28

Naxnaw li Jesus naq ak xtz'aqlok ru chixjunil; jo'kan naq kixye: —Taachaqiq we. Kixye a'in re naq chitz'aqloq ru li tz'iib'anb'il sa' li Santil Hu.

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

1 Samuel 27:1

Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Jueces 16:28

Toja' naq laj Sansón kixyaab'a xk'ab'a' li Qaawa' ut kixye: “At Qaawa', chinjultiko'q taxaq aawe, k'e inmetz'ew ka'aj taxaq anaqwan, at inYos, re naq tink'e reeqaj chi junajwa reheb' laj Filistea li rahilal xe'xb'aanu we naq xe'risi xkab'ichaleb' xsa' wu”, chan.

Jueces 8:4

Laj Jedehón rochb'eeneb' li o'lajuk'aal ke'wulak chire li nima' Jordán ut ke'nume'k junpak'al, us ta tawajenaqeb' xb'aan xsik'inkileb' laj Madián.

Génesis 32:31

Yo chi elk li saq'e naq laj Jakob ki'elk sa' li na'ajej Penuel; ab'an nayeeqan aj chik li ra'.

Génesis 20:11

Kixye laj Abrahán: “Xinye sa' inch'ool: Mare sa' li tenamit a'in ink'a' neke'xxiwa ru li Yos; ut tine'xkamsi xb'aan li wixaqil -chankin sa' inch'ool-.

Jueces 15:17

Naq kiraqe'k chi aatinak, kixkut li kaalam e. Jo'kan naq li na'ajej a'an Ramat-Lejí kikanaak cho'q xk'ab'a'.

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.