Jueces 15:11 - Q'eqchi Bible

¹¹ Toja' naq lajeek'aal xwaqxaq o'q'ob' (3,000) aj Judá ke'kub'eek sa' li ochoch pek li wank sa' li saqoonak re Etán ut ke'xye re laj Sansón: “Ma ink'a' nakanaw naq eb' laj Filistea yookeb' chi numtaak sa' qab'een? K'aru xab'aanu qe?”, chankeb'. Laj Sansón kixsumeheb': “Jo' xe'xb'aanu we laa'in, jo'kan naq xinb'aanu reheb'”, chan.

Li Santil hu

¹¹ Oxib mil li cui̱nk xcomoneb laj Judá queꞌco̱eb saꞌ li ochoch pec aran Etam chi a̱tinac riqꞌuin laj Sansón. Queꞌxye re: —¿Ma incꞌaꞌ nacanau nak eb laj filisteo nequeꞌtaklan saꞌ kabe̱n? ¿Cꞌaꞌut nak xabok raylal saꞌ kabe̱n? chanqueb. Ut laj Sansón quixye: —La̱in xinba̱nu reheb joꞌ xeꞌxba̱nu cue la̱in, chan.

Jueces 15:11 ပူးပေါင်းရင်းမြစ်များ

Jueces 14:4

Li xna' xyuwa' ink'a' neke'xnaw naq li na'leb' a'in rik'in li Qaawa' chalenaq chaq, xb'aan naq sa'eb' li kutan a'an eb' laj Filistea neke'taqlank sa' xb'eeneb' laj Israel ut li Yos yo chi xsik'b'al chanru naq eb' laj Israel te'ok chi yalok rik'ineb'.

Jueces 13:1

Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

Deuteronomio 28:13

Li Qaawa' tatxk'e chi uub'ej, moko tatxk'e ta chi ixb'ej. Junelik tatk'amoq b'e ut maajun wa k'amb'ilaq aab'e, wi nakapaab' li xchaq'rab' li Qaawa' laaYos rik'in xk'uulankil sa' aach'ool ut xk'anjelankil ru li yookin chi xyeeb'al aawe anaqwan,

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Deuteronomio 28:43

Laj ab'l tenamit li wank sa' eeyanq taanimanq xwankil sa' aab'een ut laa'at t'ane'k chik taab'aanu.

Jueces 15:10

Naq ke'xtikib' yalok, eb' laj Judá ke'xpatz' reheb': “K'a'ut naq xexchalk chi yalok qik'in?”. Ke'chaq'ok ut ke'xye: “Xoochalk chi xchapb'al laj Sansón, re xb'aanunkil re jo' xb'aanu qe”, chankeb'.

Jueces 15:12

Toja' naq ke'xye re: “Xoochalk chachapb'al re aaq'axtesinkil sa' ruq'eb' laj Filistea”, chankeb'. Kichaq'ok laj Sansón: “Yehomaq leeraatin naq ink'a' tineekamsi”, chan.

1 Crónicas 4:3

Eb' li ralal xk'ajol laj Jur a'aneb' a'in: laj Etam, laj Jisrehel, laj Ismá, laj Idbás, laj Penuel, xyuwa' laj Kedor, ut laj Eser, xyuwa' laj Jusá. Eb' a'an ke'wank jun ranab'eb', xJaslelponi xk'ab'a'.