Jueces 14:6 - Q'eqchi Bible

⁶ Toja' naq li xMusiq' li Qaawa' ki'eechanink re laj Sansón ut, chi maak'a' wank sa' ruq', kixt'upi li kaqkoj kama' wi' nat'upimank junaq ch'ina chib'aat. Ab'anan ink'a' kixseeraq'i re li xna' xyuwa' li k'aru kixb'aanu.

Li Santil hu

⁶ Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

Jueces 14:6 ပူးပေါင်းရင်းမြစ်များ

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.

Jueces 13:25

Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Isaías 42:2

Ink'a' tixjap re chi aatinak chi moko taawech'inq; ink'a' taa'ab'iiq li xyaab' xkux sa' b'e.

1 Samuel 17:46

Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

Jueces 16:30

ut kixjap re chi xyeeb'al: “Kamqin laa'in wochb'eeneb' laj Filistea!”, chan. Toja' naq kixtikisi chi q'axal kaw li kab'l, ut a'in ki'uq'e'k sa' xb'eeneb' laj jolominel jo'wi' sa' xb'eeneb' li poyanam ch'utch'uukeb' aran. Q'axal naab'aleb' chik li kamenaqeb' sa' xkamik laj Sansón chiruheb' li ke'kamsiik xb'aan, naq toj yo'yooq!

Jueces 15:15

Chirix chik a'an kixtaw jun xkalam e li b'uur li toje'aq na'oso'k li rix, kixye' li ruq', kixxok ut chiru a'an kixkamsi lajeek'aal rox o'q'ob' (1,000) chi winq:

Jueces 15:8

K'ajo' naq kichalk xjosq'il laj Sansón! Tikto kixrahob'tesiheb' chi numtajenaq ut kixkamsi naab'aleb'. Moqon chik koho chi wank sa' li ochoch pek li wank sa' li saqoonak re Etán, ut aran kikanaak.

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

Jueces 14:5

Jo'kan naq laj Sansón kikub'eek Timná rochb'eeneb' li xna' xyuwa', ut naq kiwulak sa' xna'aj li awimq uub', kiril jun li ch'ina kaqkoj, yo chi wo'teek naq kichalk sa' xb'een.

Jueces 14:7

Chirix chik a'an laj Sansón koho chi aatinak rik'in li ixq, ut li ixq kiwulak chiru laj Sansón.

1 Samuel 10:6

Toja' naq tatreechani li xmusiq' li Qaawa', tat-aatinaq jo'keb' a'an ut jalanaqat chik.

Salmos 91:13

Taayeq' sa' laawoq li kaqkoj ut li k'anti', tatb'eeq sa' xb'een li ral li kaqkoj ut li mama' xul.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

1 Samuel 10:16

Laj Saúl kixsume li rikan: “Ka'ajwi' xye qe naq ak xe'tawe'k li b'uur”, chan. Ab'an maajun t'orol li aatin kixye chirix naq taa'ok chi awab'ejink, jo' kiyehe'k chaq xb'aan laj Samuel.

1 Samuel 14:1

Sa' jun kutan laj Jonatán, ralal laj Saúl, kixye re laj tenq' re: “Kim, yo'o toj wankeb' wi' jun ch'ina ch'uuteb' aj puub' aj Filistea, toj junpak'al li nima'”, chan. Ab'anan maak'a' kixye re li xyuwa'.