Jueces 14:4 - Q'eqchi Bible

⁴ Li xna' xyuwa' ink'a' neke'xnaw naq li na'leb' a'in rik'in li Qaawa' chalenaq chaq, xb'aan naq sa'eb' li kutan a'an eb' laj Filistea neke'taqlank sa' xb'eeneb' laj Israel ut li Yos yo chi xsik'b'al chanru naq eb' laj Israel te'ok chi yalok rik'ineb'.

Li Santil hu

⁴ Lix naꞌ xyucuaꞌ incꞌaꞌ nequeꞌxnau nak li Ka̱cuaꞌ yo̱ chixcꞌutbal li ixk aꞌan chiru laj Sansón. Saꞌ eb li cutan aꞌan eb laj filisteo yo̱queb chi takla̱nc saꞌ xbe̱neb laj Israel ut li Ka̱cuaꞌ yo̱ chixsicꞌbal chanru nak eb laj Israel teꞌpletik riqꞌuineb.

Jueces 14:4 ပူးပေါင်းရင်းမြစ်များ

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Jueces 13:1

Eb' laj Israel ke'xb'aanu wi' chik li k'aru ink'a' nawulak chiru li Qaawa', ut li Qaawa' kixq'axtesiheb' sa' ruq'eb' laj Filistea chiru ka'k'aal chihab'.

2 Crónicas 22:7

Ak k'uub'k'u chaq xb'aan li Yos li xkamik laj Okosías sa' li ula'anink kixb'aanu re laj Jorán. Toje' ajwi' taawulaq aran naq koho rochb'een laj Jorán chi yalok rik'in laj Jehú, ralal laj Nimsí, li ak sik'b'il ru xb'aan li Yos chi xsachb'al ru li xjunkab'al laj Ajab.

2 Crónicas 10:15

Li awab'ej ink'a' kiraj rab'inkil li xe'xtz'aama li tenamit, xb'aan naq ak k'uub'k'u chi jo'kan xb'aan li Qaawa' re naq taatz'aqloq ru li xyehom re laj Jerobohán, ralal laj Nebat, chi xtz'uumal re li propeet Ajías aj Siló.

2 Reyes 6:33

Toj yook ajwi' chi aatinak rik'ineb' li cheekel winq naq li xtaql li awab'ej kiwulak rik'in laj Eliseo ut kixye: “Li Yos xtaqlank chaq li rahilal a'in. Ink'a' chik truuq twoyb'eni naq li Qaawa' tooxtenq'a”.

1 Reyes 12:15

Li awab'ej ink'a' kiraj rab'inkil li xe'xtz'aama li tenamit, xb'aan naq ak k'uub'k'u chi jo'kan xb'aan li Qaawa', re naq taatz'aqloq ru li xyehom re laj Jerobohán, ralal laj Nebat, chi xtz'uumal re li propeet Ajías aj Siló.

2 Crónicas 25:20

Ab'an laj Amasías ink'a' kixpaab', xb'aan naq ak k'uub'k'u xb'aan li Yos xq'axtesinkileb' sa' ruq'eb' li xik' neke'ilok re, xmaak xloq'oninkil ru li xyoseb' laj Edom.

Jueces 15:11

Toja' naq lajeek'aal xwaqxaq o'q'ob' (3,000) aj Judá ke'kub'eek sa' li ochoch pek li wank sa' li saqoonak re Etán ut ke'xye re laj Sansón: “Ma ink'a' nakanaw naq eb' laj Filistea yookeb' chi numtaak sa' qab'een? K'aru xab'aanu qe?”, chankeb'. Laj Sansón kixsumeheb': “Jo' xe'xb'aanu we laa'in, jo'kan naq xinb'aanu reheb'”, chan.

Deuteronomio 28:48

tatk'anjelaq chiruheb' li xik' neke'ilok aawe, li tixtaqlaheb' li Qaawa' aawik'in. Tattz'okaaq ut taachaqiq aawe, maak'a'aq aab'aatal ut wanqat sa' rajb'al ru chi junajwa. Li Qaawa' tixk'e chakux jun b'itch'iich' toj reetal tat-oso'q.

Jueces 14:5

Jo'kan naq laj Sansón kikub'eek Timná rochb'eeneb' li xna' xyuwa', ut naq kiwulak sa' xna'aj li awimq uub', kiril jun li ch'ina kaqkoj, yo chi wo'teek naq kichalk sa' xb'een.

Daniel 6:4

Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

Jueces 15:3

Kixye laj Sansón: “Anaqwan maak'a' inmaak wi k'aru ink'a' us tinb'aanu reheb' laj Filistea!”, chan.

1 Reyes 12:24

«Jo'ka'in xye li Qaawa': Mexxik chi yalok rik'ineb' laj Israel leerech tenamitul. Sutq'inqex b'an chejunjunqal sa' leerochoch, xb'aan naq li k'aru xk'ulmank, laa'in xink'uub'ank re»”. Naq eb' a'an ke'rab'i li raatin li Qaawa', ke'xpaab' ut ke'sutq'iik sa' rochocheb', jo' kiyehe'k reheb' xb'aan li Qaawa'.