Jueces 14:12 - Q'eqchi Bible

¹² Toja' naq laj Sansón kixye reheb': “Tinye junaq aatin re teeq'ehi. Wi teeye we k'aru li xyaalal chiru li wuqub' kutan naq yooko chi ninq'ehik, tink'e eere lajeeb' xka'k'aal chi jut-aq' ut lajeeb' xka'k'aal chi chaab'il b'aatal.

Li Santil hu

¹² Laj Sansón quixye reheb: —La̱in tinye e̱re jun li serakꞌ chꞌaꞌaj xtaubal ru. Cui la̱ex te̱ye cue cꞌaꞌru lix ya̱lal chiru li cuukub cutan nak yo̱co chi ninkꞌei̱c, la̱in tinqꞌue junju̱nk le̱ rakꞌ lino, ut tinqꞌue ajcuiꞌ junju̱nk le̱ cha̱bil akꞌ re li ninkꞌe.

Jueces 14:12 ပူးပေါင်းရင်းမြစ်များ

Ezequiel 17:2

“At kaamel winq, ye junaq jaljookil ru aatin reheb' li ralal xk'ajol laj Israel. Mare chan naq te'xtaw ru.

1 Reyes 10:1

Li xna'eb' li tenamit Sabá kirab'i resil li xchoxahil na'leb' laj Salomón ut koho Jerusalén chi xyalb'al rix rik'in patz'om jwal ch'a'aj xsumenkil.

Génesis 45:22

Kixk'e jun sumal chi aq'ej re li junjunq, ab'an re laj Benjamín kixk'e o'lajuk'aal (300) xtumin plaat ut oob' sumal li raq'.

2 Reyes 5:22

Kisumeek: “Maak'a' xk'ulmank, ab'anan laj eechal we xinxtaqla chaq chi xyeeb'al aawe naq wiib'eb' xtzolomeb' li propeet xe'chalk chaq sa' k'iche'b'aal xteepaleb' laj Efraín. B'aanu usilal, k'e reheb' oxib' mil li tumin plaat ut wiib'aqeb' sumal raq'eb'”.

2 Reyes 5:5

Ut li awab'ej re Aram kixsume: “Ayu, ut laa'in tintaqla junaq hu rik'in li awab'ej re Israel”, chan. Toja' naq koho laj Nahamán ut kixk'am lajeeb' xka'k'aal mil chi tumin plaat, waqib' mil chi tumin oor ut lajeeb' ak' aq'ej.

Proverbios 1:6

re xtawb'al xyaalal li xyehomeb' li wankeb' xna'leb', jo'wi' eb' li muqmuukil ut jaljookil ru aatin li ch'a'aj xtawb'al ru.

Santiago 5:2

Leeb'ihomal xq'enaq'o'k ut leeraq' set'inb'il xb'aan xmotzo'il.

1 Corintios 13:12

Anaqwan nokoo'ilok yal jo' sa' junaq lem moymoy ru, ab'anan sa' jun kutan toxqaka'ya li Yos jo' tz'aqal chanru na'ilok. Anaqwan kach'in ajwi' ninnaw, ab'anan sa' jun kutan toxinnaw ru, kama' naq li Yos naxnaw wu.

San Juan 16:29

Toja' naq eb' li xtzolom ke'xye re: —Anaqwan yookat chi aatinak chi ch'olch'o ru ut maajun jaljookil ru aatin nakaye.

San Lucas 14:7

Naq li Jesus kixk'e reetal eb' li ula' naq yookeb' chi xsik'b'al wank chi xjolomil li meex, kixye reheb' jun jaljookil ru aatin:

San Mateo 27:28

Ke'risi li raq' ut ke'xk'e jun li kaqi t'ikr chirix.

San Mateo 13:34

Chixjunil a'in kixye li Jesus reheb' li tenamit sa' jaljookil ru aatin, ut maak'a' naraatinaheb' wi' chi maak'a' ta jaljookil ru aatin.

San Mateo 13:13

Jo'kan naq neke'waatina sa' jaljookil ru aatin. Xb'aan naq neke'ilok ut ink'a' neke'ril, neke'ab'ink ut ink'a' neke'rab'i, chi moko neke'xtaw ru.

San Mateo 6:19

“Meetamresi eeb'ihomal arin sa' ruuchich'och' b'arwi' li xmaxel ut li xq'olel neke'sachok re, jo'wi' eb' laj elq' neke'xte rokeb'aaleb' ut neke'elq'ak.

Ezequiel 20:49

Laa'in kinchaq'ok ut kinye: “At Qaawa', eb' li poyanam yookeb' chi xyeeb'al naq laa'in junes muqmuukil na'leb' ninye ut maajun natawok ru”.

Salmos 49:4

Ok we xyeeb'al choxahil na'leb', tinch'olob' xyaalal li naweek'a sa' li waanm;

2 Crónicas 7:8

Chiru wuqub' kutan laj Salomón kixninq'ehi ajwi' li xNinq'eheb' li Muheb'aal, rochb'een chixjunileb' laj Israel, k'ajo' xk'ihaleb' li poyanam ke'ch'utlaak chalen chaq sa' li tenamit Jamat toj chire li ch'ina ha' re Ejiipt.

Jueces 14:11

Ab'an naq eb' laj Filistea ke'ril laj Sansón, ke'xxaqab' lajeeb' xka'k'aal saaj winq re te'wanq chi xk'atq.

Jueces 14:13

Ab'an wi ink'a' nekexruuk xsumenkil, laa'ex tento teek'e we lajeeb' xka'k'aal chi jut-aq' ut lajeeb' xka'k'aal chi chaab'il b'aatal”, chan. Eb' a'an ke'xye: “Ye li taawaj tqaq'ehi, yooko chawab'inkil”, chankeb'.

Proverbios 31:24

Nakemok aq'ej ut k'aamal sa', ut naxk'ayi reheb' laj yakonel.