Jueces 13:25 - Q'eqchi Bible

²⁵ Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

Li Santil hu

²⁵ Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Jueces 13:25 ပူးပေါင်းရင်းမြစ်များ

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Josué 15:33

Chiru taq'a a'aneb' a'in li tenamit li ke'tz'aqk eb' laj Judá: Estahol, Sorá, Asná,

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

San Mateo 4:1

Toja' naq kik'ame'k li Jesus xb'aan li Musiq'ej sa' li chaqich'och' re naq taayale'q raalenkil xb'aan laj tza.

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.

Jueces 11:29

Toja' naq li xMusiq' li Qaawa' kikub'e chaq sa' xb'een laj Jefté; ut a'in kixb'eeni Galahad ut Manasés, kinume'k Mispá re Galahad ut chirix a'an ki'ok sa' xna'ajeb' laj Amón.

Jueces 6:34

Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

Jueces 14:1

Laj Sansón kikub'eek sa' li tenamit Timná ut aran kiril jun li ixq aj Filistea,

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

Jueces 18:2

Jo'kan naq eb' laj Dan ke'xsik' ru oob' chi winq kaweb' xch'ool sa' li xjunkab'aleb', ut ke'xtaqlaheb' chi rilb'al li tenamit ut xb'eeninkil. Ke'xye reheb': “Ayuqex ut k'ehomaq chaq reetal chanru li na'ajej”, chankeb'. Ke'elk b'i' aran Sorá ut Estahol ut ke'wulak sa' xtzuulul Efraín, nach' rik'in li rochoch laj Mikaías, ut aran ke'xnumsi li q'oqyink.

Josué 19:41

Li xch'och'eb' a'an a'in: Sorá, Estahol, Ir-Semes,

Jueces 16:31

Chirix chik a'an ke'kub'e chaq li rech'alal ut chixjunileb' li xkomon, kule'xk'am ut koxe'xmuq sa' xyanq Sorá ut Estahol, sa' li na'ajej muqb'il wi' laj Manóhaj li xyuwa'. Laj Sansón kik'amok b'e chiruheb' laj Israel chiru junmay chihab'.