Jueces 13:12 - Q'eqchi Bible

¹² Toja' naq laj Manóhaj kixye re: “Naq taatz'aqloq ru laawaatin, k'aru tqab'aanu re li k'uula'al ut chanru naq tqak'iiresi?”, chan.

Li Santil hu

¹² Laj Manoa quixye re: —Nak ta̱cuulak xkꞌehil xyoꞌlajic li cꞌulaꞌal li xaye, ¿chanru nak takaqꞌuiresi? Ut, ¿chanru nak ta̱cua̱nk? chan.

Jueces 13:12 ပူးပေါင်းရင်းမြစ်များ

Efesios 6:4

Ex yuwa'b'ej, meeyoob' xjosq'il eb' leeralal eek'ajol, chek'iiresiheb' b'an rik'in xtzolb'aleb' ut xtijb'aleb' jo' naraj li Qaawa'.

Proverbios 22:6

K'e xna'leb'eb' li kok' poyanam naq toj saajeb'; ut naq toxe'tixq, ink'a' taasachq sa' xch'ooleb'.

Proverbios 4:4

Ut linyuwa' xk'e chaq inna'leb', xye we chi jo'ka'in: “K'uula sa' laach'ool eb' li waatin; paab' linchaq'rab', ut tatyo'yooq.

Génesis 18:19

Sik'b'il chaq ru inb'aan re naq tixk'ut li b'eek jo' naraj li Qaawa' chiruheb' li ralal xk'ajol jo'wi' chiruheb' li te'wanq moqon, re naq te'wanq sa' tiikilal ut sa' chaab'ilal. Chi jo'kan tink'e re laj Abrahán li b'arwan xinyeechi'i re”.

Jueces 13:11

Kixaqliik laj Manóhaj ut kixtaaqe li rixaqil toj reetal kiwulak wan wi' li winq, ut kixye re: “Ma laa'at li xat-aatinak rik'in li ixq a'in?”, chan. “Laa'in”, chan li x'ánjel li Yos.

Jueces 13:13

Kisumeek xb'aan li x'ánjel li Yos: “A'an tento tixra rib' chiru chixjunil li xinye re li ixq a'in.

Salmos 143:8

Eq'la chak'e taxaq chi week'a laarahom: k'ojk'o linch'ool aawik'in. Chak'ut taxaq chiwu li b'e tento tink'am, xb'aan naq aawik'in wank li woyb'enihom.