Jueces 12:4 - Q'eqchi Bible

⁴ Toja' naq laj Jefté kixch'utub' chixjunileb' li xwinqilal Galahad ut ki'ok chi yalok rik'ineb' laj Efraín. Eb' laj Galahad ke'xq'ax ruheb' laj Efraín xb'aan naq eb' a'in neke'xye: “Laa'ex aj Galahad li wankex sa' xyanqeb' laj Efraín ut laj Manasés, xetz'eqtaanaheb' laj Efraín leerech tenamitul”, chankeb'.

Li Santil hu

⁴ Ut laj Jefté quixchꞌutubeb chixjunileb li cui̱nk li cuanqueb Galaad. Queꞌpletic riqꞌuineb li ralal xcꞌajol laj Efraín ut queꞌnumta saꞌ xbe̱neb. Queꞌxba̱nu chi joꞌcan xban nak eb li ralal xcꞌajol laj Efraín queꞌxye nak eb laj Galaad, li cuanqueb saꞌ xya̱nkeb laj Efraín ut laj Manasés, queꞌxtzꞌekta̱naheb li ralal xcꞌajol laj Efraín, li rech tenamitil.

Jueces 12:4 ပူးပေါင်းရင်းမြစ်များ

1 Samuel 25:10

Ab'an laj Nabal kixsumeheb': “Ani laj David? Ani li ralal laj Jesé? Sa'eb' li kutan a'in numtajenaqeb' laj mun li yookeb' chi elelik chiruheb' laj eechal reheb'!

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Proverbios 12:13

Li ink'a' us xna'leb' nat'ane'k sa' li xtik'ti', a'ut li tiik xch'ool nakole'k chiru li rahilal.

Salmos 78:9

Eb' li ralal xk'ajol laj Efraín, a'aneb' tz'aqal aj simajeb', ab'an ke'elelik sa' xq'ehil li yalok;

Nehemías 4:4

Tikto laa'in kintijok chi jo'ka'in: “At qaYos, ab'i chanru naq nokoohe'xtz'eqtaana. Chak'e chi naqk sa' xb'eeneb' li xmajewahomeb'. Q'axtesiheb' sa' ruq'eb' li xik' neke'ilok reheb' ut che'k'ame'q chi preexil sa' jalan chik tenamit.

Jueces 11:10

Ke'xye li xcheekelaleb' Galahad: “Li Qaawa' a'anaq testiiw sa' qayanq. Rahilal chaalel sa' qab'een wi ink'a' taaqab'aanu chixjunil li xaye!”, chankeb'.

Jueces 12:3

Naq xwil naq maajun eere xchalk chintenq'ankil, laa'in ink'a' xinra linyu'am: xkohin sa' xb'eeneb' laj Amón, ut li Qaawa' xq'axtesiheb' sa' wuq'. K'a' put naq xexchalk anaqwan chi yalok wik'in?”, chan.

Jueces 12:5

Eb' laj Galahad ke'xrameb' li na'ajej li ink'a' cham wi' li ha' sa' li Jordán, re naq eb' laj Efraín ink'a' te'nume'q junpak'al li nima'; ut naq junaq aj eelel aj Efraín naxye: “Kanab'ahomaqin chi nume'k”, toja' naq eb' laj Galahad neke'xpatz' re: “Ma laa'at aj Efraín?”. Wi a'an naxye naq ink'a',

1 Reyes 17:1

Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.