Jueces 11:27 - Q'eqchi Bible

²⁷ Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

Li Santil hu

²⁷ La̱o incꞌaꞌ xoma̱cob che̱ru la̱ex. La̱o incꞌaꞌ yo̱co chi pletic e̱riqꞌuin. Abanan la̱ex incꞌaꞌ us yo̱quex nak xexchal chi pletic kiqꞌuin. Li Ka̱cuaꞌ Dios, aꞌan laj rakol a̱tin. Aꞌan li ta̱rakok a̱tin saꞌ kabe̱n la̱o aj Israel ut saꞌ e̱be̱n ajcuiꞌ la̱ex aj Amón, chan laj Jefté.

Jueces 11:27 ပူးပေါင်းရင်းမြစ်များ

1 Samuel 24:15

A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

1 Samuel 24:12

A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

Génesis 16:5

Toja' naq lix Saray kixye re laj Abrán: “Aamaak laa'at naq yookin chi xk'ulb'al li rahilal a'in. Laa'in xinq'axtesi aawe lix Agar; ab'an, naq a'an xk'e reetal naq wank chik sa' yu'am, maak'a' chik nin'ok wi' re. Li Qaawa' chiraqoq aatin sa' qab'een chi qakab'ichal”.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 94:2

Chak'ut chaq laawankil, laa'at aj raqol aatin sa' xb'een li ruuchich'och', ut chak'e chi xtojb'aleb' xmaak eb' li q'etq'et!

Salmos 82:8

Xaqlin, at Qaawa', ut raqon aatin sa' xb'een li ruuchich'och', xb'aan naq laa'at laj eechal re chixjunileb' li tenamit!

Salmos 75:7

Li raqb'a aatin ink'a' nachalk sa' releb'l saq'e malaj sa' rokeb'l, chi moko sa' ta li chaqich'och' malaj sa'atqeb' li tzuul;

Salmos 50:6

Ut li choxa naxye naq li Yos a'an laj raqol aatin, ut a'an junelik tiik xch'ool.

Salmos 7:11

Li Nimajwal Yos a'an laj kolol we, a'an laj kolol reheb' li chaab'ileb' xyu'am.

Li xHu LAJ JOB 23:7

Aran tixk'e reetal naq maak'a' inmaak, ut tin'elq raj chi junajwa sa' ruq' li naraqok aatin sa' inb'een.

Li xHu LAJ JOB 9:15

Us ta maak'a' raj inmaak, ink'a' raj tinnaw xsumenkil linYos; ka'ajwi' truuq tinpatz' xtoq'ob'ankil wu.

1 Samuel 2:10

Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

2 Corintios 11:11

K'a' put? Ma aj b'an naq nekexinra? Li Yos naxnaw chi us naq jo'kan.

Eclesiastés 12:14

Sa' junaq kutan li Yos taaraqoq aatin chirix chixjunil li qab'aanuhom, us ta chi muqmu xqab'aanu. Taaraqoq aatin sa' qab'een, a' yaal ma us malaj ink'a' us xqab'aanu.

Jueces 11:28

Ab'an li awab'ej re Amón ink'a' kixk'ul xch'ool li k'aru kixtaqla xyeeb'al laj Jefté.

2 Crónicas 20:12

At Qaawa', ma ink'a' tatraqoq aatin sa' xb'eeneb'? Xb'aan naq laa'o maak'a' qametz'ew chiruheb' li k'iila poyanam a'in li xe'chalk chi yalok qik'in. Ink'a' naqanaw k'aru tqab'aanu; jo'kan naq q'es qu chi oyb'enink aawik'in”.

1 Samuel 24:13

Wank jun li aatin ke'xye li qaxe'toonil yuwa': «Eb' li ink'a' useb' xch'ool, a'aneb' li neke'b'aanunk maa'usilal», chankeb'. Jo'kan naq laa'in maajoq'e tintaqsi wuq' sa' aab'een.

1 Samuel 24:16

Naq laj David kiraqe'k chi xyeeb'al a'in, laj Saúl kixye: “At David, at walal, ma laa'at li yookat chi aatinak?”, chan. Ut chi kaw xyaab' xkux kixchaj re chi yaab'ak