Jueces 11:21 - Q'eqchi Bible

²¹ Ab'anan li Qaawa', xYos laj Israel, kixq'axtesi laj Sijón ut chixjunileb' li xpoyanam sa' ruq' laj Israel, li kixq'ax ruheb' ut kireechani chixjunil li xna'ajeb' laj Amor li wankeb' aran.

Li Santil hu

²¹ Abanan li Ka̱cuaꞌ li kaDios la̱o aj Israel, coxtenkꞌa chi numta̱c saꞌ xbe̱neb laj Sehón. Joꞌcan nak xke̱chani lix naꞌajeb laj amorreo li cuanqueb saꞌ li naꞌajej aꞌan.

Jueces 11:21 ပူးပေါင်းရင်းမြစ်များ

Números 21:24

Ab'an eb' laj Israel ke'xkamsiheb' chi ch'iich' ut ke'reechani li xch'och'eb' chalen Arnón toj Yabok, toj sa' xnub'ajleb' laj Amón (xb'aan naq Jaser wank sa' xnub'ajleb' laj Amón).

Deuteronomio 2:32

“Laj Sijón ki'elk chaq, rochb'een chixjunileb' li xtenamit, re yalok qik'in aran Yahás,

Jueces 11:20

Ab'an laj Sijón ink'a' kixkanab'eb' laj Israel chi nume'k sa' li xna'aj, kixch'utub'eb' b'an chixjunileb' li xpoyanam, koxe'xk'ojob' li xmuheb'aaleb' aran Yahás ut ke'ok chi yalok rik'ineb' laj Israel.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Josué 6:2

Ab'an li Qaawa' kixye re laj Josué: “K'e reetal, laa'in tink'e sa' laawuq' li tenamit Jerikó jo'wi' li x'awab'ej.

2 Crónicas 13:5

Ma ink'a' nekenaw naq li Qaawa', xYos laj Israel, kixk'e xwankil laj David sa' xb'een Israel chi junelik? Kixb'aanu jun sumwank rik'in a'an ut rik'ineb' li ralal xk'ajol, ut kixxaqab' xwankil li sumwank rik'in atz'am.

2 Crónicas 13:16

Eb' laj Israel ke'ok chi elelik, ab'anan li Yos kixq'axtesiheb' sa' ruq'eb' laj Judá.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.